Memlekettik tildi qoldaý úshin QR Prezıdenti Qasym-Jomart Toqaev qazaq tilin qoldaý maqsatymen qurylǵan QAZAQ TILI Endowment Qory-na alǵashqy jarnany aýdardy.
Memleket basshysy óz qarajatynan qosqan jeke jarna kólemi – 7 mln. teńge.
QAZAQ TILI Endowment Qory halyqaralyq «Qazaq tili» qoǵamdyq uıymynyń bastamasymen qurylǵan. Negizgi mindeti – memlekettik tildi qoldaý jáne damytýmen aınalysatyn elimizdegi eń iri uıym – «Qazaq tili» qoǵamynyń turaqty ári uzaq merzimdi damýyn qamtamasyz etý.
Bıyl 12 qazanda QR Prezıdenti Qasym-Jomart Toqaev «Qazaq tili» qoǵamynyń basshysymen kezdesýinde memlekettik tildi damytý maqsatymen arnaıy endaýment qoryn qurý bastamasyna qoldaý bildirgen bolatyn.
Endaýment qorynyń ereksheligi – qorǵa jınalǵan qarjy jumsalmaıdy. Qarajat tolyqtaı basqarýǵa beriledi jáne ınvestıııalanady. Endaýment qorynyń ınvestıııalyq qyzmetinen túsken tabysy benefııar uıymnyń jarǵylyq mindetterin oryndaýǵa jumsalady. Álem elderinde bilim berý men áleýmettik baǵytta jumys isteıtin qoǵamdyq uıymdardyń turaqty ári uzaq merzimdi qyzmetin qamtamasyz etý úshin endaýment qoryn qurý tájirıbesi keń taralǵan.
Qazirgi tańda Japonııadaǵy ǵylym men tehnologııa qory, sonymen qatar Stenford, Garvard ýnıversıtetteriniń qorlary dúnıe júzindegi eń iri endaýment qorlarynyń qataryna kiredi. Elimizde iri ýnıversıtetter, mektepter men kommerııalyq emes uıymdardyń endaýment qorlary sátti jumys istep jatyr.
QAZAQ TILI Endowment Qory-na jınalǵan qarajatty bedeldi qoǵam qaıratkerleri, ǵalym-lıngvıster men memleket ókilderinen quralǵan táýelsiz qamqorshylar keńesi baqylap, qadaǵalaıtyn bolady.
Endaýment qorynan túsken tabys halyqaralyq «Qazaq tili» qoǵamynyń jumysyn qamtamasyz etý jáne memlekettik tildi damytý, modernızaııalaý men ony qoldaný aıasyn keńeıtýge baǵyttalǵan jobalarǵa grant negizinde berilip otyrady.
Prezıdent «Qazaq tili» qoǵamyna memlekettik tildegi medıa jáne baspa kontentin kóbeıtý úshin naqty jobalar men sharalar keshenin júzege asyrý, tildi oqytý men úıretý ádistemesin jetildirý, oqý saýattylyǵy men jazý mádenıetin damytý, sonymen qatar, qazaq tilin qoldaý men tildi qoldanatyn qaýymdastyq aıasyn keńeıtý úshin zamanaýı tehnologııalyq sheshimderdi keńinen paıdalanýdy tapsyrdy.
Halyqaralyq «Qazaq tili» qoǵamy memlekettik tildiń janashyrlary atynan QR Prezıdenti Qasym-Jomart Kemeluly Toqaevqa bastamaǵa bildirgen qoldaýy men ózgelerge kórsetken úlgisi úshin alǵys aıtady.
«Adyrna» ulttyq portaly
