Sońǵy ýaqytta shyǵys mindettemelerin jabý úshin Ulttyq qordan transfertterdiń ulǵaıý úrdisi baıqaldy. Bul týraly Memleket basshysy Qasym-Jomart Toqaev halyqqa joldaýynda aıtty, dep habarlaıdy "Adyrna" ulttyq portaly.
— Únemi osyndaı jeńil jolmen júrý nátıje bermeıdi. Qarjylyq turaqtylyq qory sheksiz emes. Álbette, bıýdjet kirisin ulǵaıtý sharalary qajet ekeni anyq. Biraq, birinshi kezekte, memlekettik shyǵystardyń kólemi men tıimdiligin baqylaý qajet, — dedi Toqaev.
Onyń aıtýynsha, Ulttyq qordyń aktıvterin qalpyna keltirý úshin bıýdjet erejesin engizýdi jedeldetý qajet. Prezıdent tıisti zańnamalyq túzetýlerdi osy jyldyń sońyna deıin qabyldaýdy tapsyrdy.
"Jalpy, elimizge memlekettik qarjyny, memlekettik qaryzdy, bıýdjettik saıasatty, Ulttyq Qordy basqarý jónindegi erejeler jıyntyǵy qajet. Úkimet pen Ulttyq Bankten jyl sońyna deıin memlekettik qarjyny basqarý tujyrymdamasyn daıyndaýdy suraımyn", — dedi Toqaev.
"Adyrna" ulttyq portaly
