18 qazan künı keşke AQŞ memlekettık hatşysy Marko Rubio Samarqan qalasyna bardy. Būl turaly UzA agenttıgı jazdy, dep habarlaidy «Adyrna» tılşısı.
Äuejaida Rubio men onyŋ jūbaiyn Özbekstan prezidentı äkımşılıgınıŋ basşysy Saida Mirziioeva jäne basqa da resmi tūlǧalar qarsy alǧan. Rubio Ortalyq Aziia elderı men AQŞ arasyndaǧy C5+1 formatyndaǧy syrtqy ıster ministrlerınıŋ kezdesuıne qatysu üşın kelgen.
Būl — onyŋ Ortalyq Aziiaǧa jasaǧan alǧaşqy sapary. Samarqandqa Özbekstan prezidentı Şavkat Mirziioev te kelgen. Ol Marko Rubiomen kelıssöz jürgızıp, ıskerlık keŋestıŋ otyrysyna qatysady.
19 qazanda Samarqandta Amerika-Özbekstan ıskerlık jäne investisiialyq keŋesınıŋ ekınşı otyrysy ötedı. Keŋestıŋ teŋ töraǧalary — Saida Mirziioeva men Serdjio Gor. UzA agenttıgınıŋ mälımetınşe, şaraǧa AQŞ-tyŋ 200-den astam käsıpkerı kelgen. Basylym mūny amerikalyq biznes ökılderınıŋ Özbekstanǧa degen qyzyǧuşylyǧy artyp kele jatqanynyŋ belgısı dep baǧalaidy.
Sol künı memhatşynyŋ Ortalyq Aziianyŋ 5 elınıŋ syrtqy ıster ministrımen C5+1 formatyndaǧy kezdesuı ötedı. Sonymen qatar Marko Rubio men Özbekstannyŋ syrtqy ıster ministrı Bahtiior Saidov ekı el arasyndaǧy keŋeitılgen strategiialyq ärıptestık jönındegı dialogtyŋ alǧaşqy raundyn ötkızedı.
AQŞ memlekettık hatşysynyŋ sapary turaly aldyn ala habarlanǧan bolatyn. Jalpy kezdesuden bölek, Marko Rubio aimaqtaǧy bes eldıŋ — Özbekstan, Qazaqstan, Täjıkstan, Türıkmenstan jäne Qyrǧyzstannyŋ joǧary lauazymdy ökılderımen ekıjaqty kelıssözder jürgızudı josparlaǧan.
Samarqandtan keiın AQŞ memlekettık hatşysy Ündıstanǧa attanady. Onda ony Mumbai men Djamnagar qalalarynda bırqatar kezdesu kütıp tūr.
C5+1 formaty 2015 jyldan berı jūmys ıstep keledı. Syrtqy ıster ministrlerınıŋ alǧaşqy kezdesuı däl osy Samarqand qalasynda ötken. Juyrda format joǧary deŋgeige köterıldı. 2025 jylǧy 6 qaraşada Vaşingtonda Donald Tramp pen aimaqtaǧy bes eldıŋ köşbasşylary qatysqan C5+1 formatyndaǧy ekınşı sammit öttı.
UzA agenttıgınıŋ baǧalauynşa, älemdık būqaralyq aqparat qūraldary būl sapardy Vaşingtonnyŋ aimaq memleketterımen ekonomikalyq bailanystardy keŋeituge jäne strategiialyq ärıptestıktı nyǧaituǧa degen ūmtylysymen bailanystyrady.
