Oman Qazaqstanmen bırneşe salada auqymdy investisiialyq jobalardy jüzege asyruǧa müddelı, dep habarlaidy “Adyrna”.
Būl turaly Oman sūltany Haisam ben Tariq Äl Said Astanadaǧy Täuelsızdık saraiynda Prezident Qasym-Jomart Toqaevpen keŋeitılgen qūramda ötken kelıssöz barysynda aitty.
Oman Sūltany ekı el arasyndaǧy diplomatiialyq qatynastar 1992 jyly ornaǧannan berı Qazaqstan men Oman arasynda dostyq pen özara syilastyqqa negızdelgen berık bailanys qalyptasqanyn atap öttı.
Haisam ben Tariq Äl Saidtıŋ aituynşa, joǧary deŋgeidegı özara saparlar, Oman-Qazaqstan bırlesken komissiiasynyŋ jūmysy jäne 2025–2026 jyldarǧa arnalǧan «Jol kartasynyŋ» jüzege asyryluy ekıjaqty yntymaqtastyqty jaŋa deŋgeige şyǧaruǧa mümkındık beredı.
«Oman Qazaqstanmen köptegen salada auqymdy investisiialyq jäne serıktestık mümkındıkterın körıp otyr. Onyŋ ışınde energetika jäne tau-ken önerkäsıbı, auyl şaruaşylyǧy men azyq-tülık qauıpsızdıgı, kölık jäne logistika, qarjylyq qyzmetter, turizm, tehnologiialar jäne jasandy intellekt salalary bar», – dedı Oman sūltany.
Ol memlekettık investisiialyq qorlar, jeke sektor jäne beiındı memlekettık qūrylymdar arasyndaǧy bailanysty küşeitıp, bırlesken jobalardy damytu maŋyzdy ekenın aitty.
Sonymen qatar Oman Sūltany Qazaqstannyŋ Aziia men Europany bailanystyratyn sauda dälızderındegı strategiialyq ornalasuyna nazar audardy. Onyŋ pıkırınşe, Omannyŋ Parsy şyǧanaǧy, Ündı mūhity, Aziia jäne Afrika naryqtaryna şyǧuǧa mümkındık beretın teŋız infraqūrylymy ekı el arasyndaǧy kölık-logistikalyq yntymaqtastyqty damytuǧa negız bola alady.
Osyǧan bailanysty Oman porttary arqyly jaŋa sauda baǧyttaryn qalyptastyru jäne ekı el arasyndaǧy äue qatynasyn keŋeitu mäselelerı qarastyryluda.
Sondai-aq Qazaqstannyŋ sifrlyq transformasiia men jasandy intellekt salasyndaǧy jetıstıkterın ekıjaqty ärıptestıktıŋ maŋyzdy baǧyttarynyŋ bırı retınde atady.
