Prezident Qasym-Jomart Toqaev İzrail memleketınıŋ syrtqy ıster ministrı Gideon Saardy qabyldady, dep habarlaidy "Adyrna" ūlttyq portaly.
Būl turaly Aqorda habarlady.
Kezdesu barysynda Qazaqstan Prezidentı Saardyŋ sapary ekıjaqty yntymaqtastyqty nyǧaituǧa İzraildıŋ berık nietınıŋ aiqyn dälelı ekenın atap öttı.
Äsırese sauda-ekonomikalyq, ǧylymi-tehnikalyq bailanystardy, jasandy intellekt, auyl şaruaşylyǧy jäne su resurstaryn basqaru salasyndaǧy bırlesken jobalardy jüzege asyru mäselelerıne basymdyq berıldı.
Prezident Toqaev Astanada ötken qazaq-izrail biznes-forumy maŋyzdylyǧyn atap ötıp, onyŋ investisiialyq yntymaqtastyqty damytuǧa qosqan ülesın erekşe atady.
Öz kezegınde Gideon Saar ekıjaqty qatynastardy jaŋa deŋgeige köteruge İzraildıŋ müddelı ekenın jetkızdı. Ministr Qazaqstan Prezidentınıŋ Avraam kelısımderıne qosylu turaly şeşımın joǧary baǧalap, būl qadamnyŋ halyqaralyq tūraqtylyq pen dialogty nyǧaituǧa üles qosatynyn atap öttı.
