Qazaqstan Parlamentı Mäjılısınıŋ töraǧasy Erlan Qoşanov pen Qyrǧyz Respublikasy Jogorku Keneşınıŋ töraǧasy Nurlanbek Turgunbek uulu Astanada Qazaqstan-Qyrǧyzstan parlamentaralyq yntymaqtastyq keŋesınıŋ üşınşı otyrysyn ötkızdı. Onda taraptar ekıjaqty yntymaqtastyqty keŋeitu jäne parlamentaralyq bailanysty damytu boiynşa joǧary deŋgeidegı kelısımderdı jüzege asyru barysyn talqylady.
Jogorku Keneş delegasiiasyn qarsy alǧan Mäjılıs spikerı qazaq pen qyrǧyz halyqtaryn ejelden ortaq tarihy, ūqsas tılı, salt-dästürı men mädenietı bırıktıretının atap öttı. Al ekı el arasyndaǧy dostyq pen tatu körşılık qarym-qatynastyŋ tamyry tereŋde jatyr.
– Memleket basşylarymyz Qasym-Jomart Kemelūly Toqaev pen Sadyr Nurgojoevich Japarovtyŋ saliqaly saiasatynyŋ, özara tüsınıstık pen dostyǧynyŋ arqasynda bügınde ekı el arasyndaǧy yntymaqtastyq öte qarqyndy damyp keledı. Bızdıŋ köşbasşylarymyzdyŋ ekıjaqty kezdesulerınıŋ qarqyndylyǧy parlamentaralyq bailanystardyŋ jiılıgıne de tıkelei äser etedı. Bızdıŋ endıgı maqsatymyz – osy ekpındı saqtap, odan ärı nyǧaitu, – dedı E.Qoşanov.
Mäjılıs spikerı Prezidentterımız yqpaldastyqtyŋ basym baǧyttaryn aiqyndap, olardy jüzege asyru üşın naqty mındetter jüktegenın basa aitty. Onyŋ negızgılerınıŋ bırı – 2030 jylǧa qarai ekı el arasyndaǧy tauar ainalymyn 3 milliard AQŞ dollaryna deiın jetkızu. Mäjılıs ekı apta būryn ratifikasiialaǧan Qazaqstan men Qyrǧyzstan arasyndaǧy odaqtastyq qatynastardy tereŋdetu jäne keŋeitu turaly şartta yntymaqtastyqtyŋ jaŋa institusionaldyq negızderı aiqyn körsetılgen.
– Būl auqymdy qūjat parlamentaralyq bailanysty nyǧaitu üşın jaŋa mümkındıkter berıp otyr. Bızdıŋ parlamentterge joǧary deŋgeide qol jetkızılgen uaǧdalastyqtardyŋ ıske asyryluyn qadaǧalau funksiiasy jüktelgen. Osy rette ekı el ükımetı belsendı jūmys ıstep jatqanyn atap ötken jön. Öz kezegınde bızdıŋ parlamentter olardy zaŋnamalyq tūrǧydan qoldaudy qamtamasyz etude, – dedı E.Qoşanov.
Sondai-aq ol qazaq-qyrǧyz qarym-qatynasynyŋ barlyq salasyn qamtityn 150-den astam qūjattan tūratyn berık şarttyq-qūqyqtyq bazasy qalyptasqanyn aitty. Olardyŋ ışındegı eŋ maŋyzdylary – İnvestisiialardy kötermeleu jäne özara qorǧau turaly kelısım, «Qarasu» jäne «Aq-Tılek» avtojol ötkızu punktterı maŋynda industriialyq sauda-logistikalyq keşendı qūru jäne onyŋ qyzmetın retteu turaly kelısım. 
Öz kezegınde Nurlanbek Turgunbek uulu ekıjaqty mäselelerdı şeşude Parlamentaralyq yntymaqtastyq keŋesınıŋ rölın erekşe atap öttı.
“Bügıngı Parlamentaralyq keŋestıŋ otyrysy jai ǧana josparly kezdesu emes. Būl – ekı jaqyn memlekettıŋ arasyndaǧy aşyq ärı syndarly dialogtyŋ jalǧasy. Osy tūrǧyda parlamenttık dialogtyŋ orny erekşe. Parlamentter halyqtyŋ müddesın qorǧaidy. Demek, parlamentaralyq yntymaqtastyq arqyly bız özara tüsınıstıktı qoldap qana qoimai, ony tereŋdete alamyz. Bırlesken ıs-äreketter arqyly ortaq müddelerdı halyqaralyq alaŋdarda qorǧauǧa mümkındık jasaimyz”, – dedı Jogorku Keneş töraǧasy.
Keŋes otyrysy barysynda deputattar sauda-ekonomika jäne logistika salalaryndaǧy ärıptestıktı nyǧaitu mäselelerın ortaǧa saldy. Atap aitqanda, Qazaqstan-Qyrǧyzstan şekarasyndaǧy İndustriialyq sauda-logistikalyq keşen qūrylysyn odan ärı jüzege asyru, şekaralyq baqylau-ötkızu punktterınıŋ infraqūrylymyn jaqsartu jūmystaryn jandandyru, sondai-aq Almaty-Ystyqköl avtojolyn salu jobasy bar.
Sonymen qatar taraptar ekıjaqty formatta jäne Ortalyq Aziia elderı äielderınıŋ dialogy, TürkPA jäne basqa da halyqaralyq parlamenttık ūiymdar aiasynda yntymaqtastyqty damytudyŋ maŋyzdylyǧyn atap öttı.
Otyrysta investisiialyq, mädeni-gumanitarlyq yntymaqtastyq mäselelerı, turizm, ekologiia jäne klimattyŋ özgeruı salalaryndaǧy jobalar da qarastyryldy. Mäjılıs spikerı Qyrǧyzstannyŋ mūzdyqtardy saqtau jäne halyqaralyq tau dialogyn belsendı damytu jönındegı bastamalaryn qoldaitynyn aityp, Halyqaralyq Araldy qūtqaru qory aiasyndaǧy jūmysty odan ärı jalǧastyruǧa şaqyrdy.
Sapar barysynda Jogorku Keneş töraǧasy Qazaqstan Respublikasy Prezidentınıŋ teleradiokeşenınıŋ qūramyna kıretın Jibek Joly respublikalyq telearnasynda boldy. Nurlanbek Turgunbek uuluna teleradiokompaniianyŋ negızgı jūmys baǧyttary men «Silk Way Central Asia» halyqaralyq media jobasy tanystyryldy. Jobanyŋ maqsaty – Ortalyq Aziiada bırtūtas aqparattyq keŋıstık qalyptastyru jäne jahandyq media alaŋda aimaq elderınıŋ müddelerın ılgerıletu. Silk Way telearnasy alty tılde, sonyŋ ışınde qyrǧyz tılınde habar taratady. Habar taratu aumaǧy 300 millionnan astam äleuettı auditoriiasy bar 120 eldı qamtidy. Aldaǧy uaqytta Qyrǧyzstan, Özbekstan, Türıkmenstan jäne Täjıkstannyŋ ūlttyq telekompaniialarymen kontent almasu jäne ärıptestık qarym-qatynasty damytu josparlanyp otyr.
Sapar aiasynda parlamentter delegasiialary Qalibek Quanyşbaev atyndaǧy Qazaq ūlttyq muzykalyq-drama teatryna barady. Qonaqtardyŋ nazaryna Şyŋǧys Aitmatovtyŋ äigılı şyǧarmasy boiynşa Qazaqstannyŋ halyq ärtısı Talǧat Temenov qoiǧan «Qyzyl oramaldy şynarym» dramasy ūsynylady.
