Kökşetauda memlekettık qyzmetşıler ädettegı jūmys ornyndaǧy resmi pıkır almasudan bölek, būl joly pıkırsaiys alaŋynda özara synǧa tüstı. «Ystyq qairat, nūrly aqyl, jyly jürek» atty turnirde 24 komandadan qūralǧan 72 memlekettık qyzmetşı öz bılımın, şeşendıgın jäne jyldam oilau qabıletın ortaǧa saldy.
Aqmola oblysynyŋ 9 audany, 12 oblystyq basqarmasy men 6 departamentınıŋ ökılderı qatysqan dodada basty talap — köp söileu emes, öz oiyn naqty däleldep, qarsy taraptyŋ uäjıne sauatty jauap beru boldy. Turnir bastalǧan sätten-aq pıkırsaiys alaŋynda qyzu talqy qalyptasty. Jerebe arqyly qarsylasyn anyqtaǧan komandalar qysqa uaqyt ışınde taqyrypty taldap, özara mındetterın bölıstı.
Is-şara Qazaqstan Respublikasy Memlekettık qyzmet ısterı agenttıgınıŋ Aqmola oblysy boiynşa departamentı, Aqmola oblysy äkımdıgınıŋ Personaldy basqarudyŋ bıryŋǧai qyzmetı jäne oblystyq ışkı saiasat basqarmasynyŋ ūiymdastyruymen öttı. Atalǧan memlekettık organdardyŋ mūryndyq boluymen ūiymdastyrylǧan turnir memlekettık qyzmetşılerdıŋ käsıbi jäne kommunikativtık daǧdylaryn jetıldıruge baǧyttaldy.
Turnirdıŋ bas töreşısı Syrym Begen oiyn tärtıbı men baǧalau talaptaryn tüsındırıp, är kezeŋde komandalardyŋ argumentasiiasyna, logikasyna, söileu mädenietıne, sūraqtarǧa jauap beru şeberlıgıne jäne komandalyq jūmysyna baǧa berdı.
«Pıkırsaiystyŋ erekşelıgı — daiyn jauaptyŋ bolmauynda. Är qatysuşy taqyrypty qysqa uaqytta saralap, öz oiyn jüielep, ony qarsy tarapqa tüsınıktı türde jetkıze bıluı kerek. Būl memlekettık qyzmetşı üşın de maŋyzdy daǧdy. Öitkenı kündelıktı jūmysta azamattardyŋ sūraǧyna jauap beru, ärtürlı pıkırdı tyŋdau jäne naqty şeşım ūsynu qajet», — dedı Syrym Begen.
Pıkırsaiys barysynda qatysuşylar «Zaŋ men tärtıp» jäne «Adal azamat» qaǧidattary aiasyndaǧy özektı mäselelerdı talqylady. Komandalarǧa tek öz pozisiiasyn qorǧau jetkılıksız boldy. Olar qarsy taraptyŋ sūraǧyna jauap berıp, aitylǧan pıkırdı joqqa şyǧaratyn dälel keltırıp, oiynyŋ logikalyq negızın körsetuı kerek.
Bırneşe saǧatqa sozylǧan ırıkteu kezeŋderınen keiın üzdık komandalar jartylai finalǧa öttı. Al finalda bäseke odan ärı küşeidı. Komandalar soŋǧy mümkındıgın paidalanyp, öz pozisiialaryn barynşa däleldeuge tyrysty.
Nätijesınde bırınşı oryndy «Aqiqat» komandasy jeŋıp aldy. Komanda qūramynda Aqmola oblysy bılım basqarmasynyŋ Atbasar audany boiynşa bılım bölımınıŋ basşysy Meirambek Rahimjanov, Şortandy audany boiynşa bılım bölımınıŋ qyzmetkerı Nūrken Şahmetov jäne Aqmola oblysynyŋ memlekettık satyp alu jäne kommunaldyq menşık basqarmasynyŋ qyzmetkerı Halida Joldashan bar.
«Aqiqat» komandasynyŋ müşesı Meirambek Rahimjanov üşın turnirdıŋ nätijesı qos jeŋıspen aiaqtaldy. Ol komandalyq esepte bırınşı orynǧa ie bolyp qana qoimai, «Üzdık spiker» atandy.
«Pıkırsaiys adamnyŋ öz oiyn jetkızu qabıletın ǧana emes, tyŋdai bılu mädenietın de qalyptastyrady. Turnir barysynda är taqyrypqa är qyrynan qarauǧa tyrystyq. Jeŋıske jetude komandalyq jūmystyŋ maŋyzy zor boldy. Bız daiyndyq kezınde bır-bırımızdıŋ oiymyzdy tolyqtyryp, ärtürlı pıkırlerdı talqyladyq. Bırınşı orynǧa ie bolǧanymyzǧa quanyştymyz», — dedı Meirambek Rahimjanov.
Al «Tıl janaşyry» nominasiiasy Aqmola oblysynyŋ sifrlandyru jäne arhivter basqarmasynyŋ «Serpın» komandasyna berıldı. Sonymen qatar «Üzdık töreşı» nominasiiasy Mūratbek Şūǧylaǧa tabystaldy.
Jeŋımpazdar men jüldegerlerge aqşalai sertifikattar tabystaldy.Būl turnirdıŋ mänı jülde qorytyndysymen ǧana ölşenbeidı. Memlekettık qyzmetşıler üşın pıkırsaiys — kündelıktı qyzmette qajet daǧdylardy şyŋdaityn praktikalyq alaŋ.
