Astana – Kökşetau – Petropavl respublikalyq maŋyzy bar avtojolda ekı kölık soqtyǧysty, dep habarlaidy "Adyrna" ūlttyq portaly.
«QazAvtoJol» ūlttyq kompaniiasynyŋ mälımetınşe, Kökşetau baǧytyna qarai qozǧalǧan Toyota Alphard jürgızuşısı kölıktı basqara almai qalyp, qauıpsız araqaşyqtyqty saqtamaǧan. Sonyŋ saldarynan jol taŋbasyn syzu jūmystaryn süiemeldep kele jatqan «GAZel» kölıgımen soqtyǧysqan.
Apat saldarynan bes adam zardap şektı. Olardyŋ barlyǧy jedel järdem qyzmetımen Burabai audandyq ortalyq auruhanasyna jetkızıldı.
Oqiǧa ornyn tekseru barysynda joldyŋ tüzu ekenı, asfaltbeton jabynynda közge körınetın aqaulardyŋ bolmaǧany anyqtaldy. Jol-kölık oqiǧasy bolǧan sätte atalǧan uchaskede «QAJservis» kompaniiasynyŋ qyzmetkerlerı jol taŋbasyn jaŋartu jūmystaryn jürgızıp jatqan.
