Aqmola oblysynyń ákimi Marat Ahmetjanov 22 jastaǵy er adamnyń ólimine qatysty pikir bildirgen, dep habarlaıdy "Adyrna" ulttyq portaly.
sinegor.kz saıtynda jarııalanǵan aqparatqa sáıkes, 12 qarasha kúni Kókshetaý qalasynda bolǵan oqıǵa sol aımaqty ǵana emes, búkil eldi dúr silkindirdi. Otaý qurǵan jas jigitti dál toıy bolatyn kúni Kókshetaýdaǵy oıyn-saýyq ortalyqtarynyń birinde óltirip ketken. Mekeme basshysy qaıǵyly oqıǵanyń 1,5 mınýtta bolǵanyn aıtady.
Kópshilik kúzetshilerdiń qaıda qaraǵanyn jáne jaǵdaıdy nege baqylamaǵanyna narazy.
Oblys ákimi azamattardyń qaýipsiz demalýy úshin barlyq oıyn-saýyq mekemelerine belgili talaptar qoıylǵanyn atap ótti.
"Qylmystyq is aıasynda mekeme basshylyǵy qandaı olqylyqtarǵa jol bergeni, ıaǵnı kúzetshilerdiń qaı jerde bolǵany, nelikten quqyq qorǵaý organdaryna ýaqytynda habarlamaǵandyǵy jáne t.b. jaıttar anyqtalatyn bolady" – dedi Ahmetjanov.
