«Abylai han ordasynan Jidelı-Baisynǧa (Baisun) deiın» atty halyqaralyq tarihi, mädeni-ruhani ekspedisiiasy saparyn aiaqtap, Kökşetauǧa oraldy.
Eske sala keteiık, tarihi ekspedisiia Respublika künı qarsaŋynda Burabai audanyndaǧy Abylai han alaŋynan jolǧa şyqqan bolatyn. Bügın ekspedisiia müşelerın aldymen Burabaida qarsy alu räsımı ötıp, keiın Kökşetau qalasyndaǧy Aqmola oblysy ışkı saiasat basqarmasy janyndaǧy «Qoǧamdyq kelısım» KMM-nıŋ konferens-zalynda sapar qorytyndysyna arnalǧan kezdesu ūiymdastyryldy.
Jiynǧa Aqmola oblysy ışkı saiasat basqarmasy basşysynyŋ orynbasary Sabyrhan Kenjebaev qatysty.
Kezdesu barysynda ekspedisiia jetekşısı, qoǧam qairatkerı, ölketanuşy, jazuşy Mūrat qajy Ydyrysūly sapardyŋ barysy, Özbekstan aumaǧyndaǧy tarihi oryndar men ǧylymi mekemelerde ötken kezdesuler, zertteu jūmystary turaly baiandady.
Ekspedisiianyŋ negızgı maqsaty – Abylai han däuırımen bailanysty tarihi baǧyttardy zerdeleu, qazaq jäne özbek halyqtarynyŋ ortaq tarihi-mädeni mūrasyn zertteu, köşpelıler örkenietınıŋ qūndylyqtaryn nasihattau boldy.
Sapar barysynda jinalǧan derekter, foto jäne beinematerialdar aldaǧy uaqytta halyqaralyq tarihi ekspedisiianyŋ jinaq kıtaby men fotoalbomyn äzırleuge negız bolmaq.
Qorytyndy kezdesu ekspedisiianyŋ ǧylymi-tanymdyq nätijelerın ortaǧa salyp, tarihi mūrany bırlesıp zertteu men nasihattaudyŋ maŋyzyn talqylauǧa mümkındık berdı.
