28 qyrküiekte L.N. Gumilev atyndaǧy Euraziia ūlttyq universitetınde ǧalym, türkolog, mūstafaşoqaitanuşy Äbdıuaqap Qara magistranttar men doktoranttarǧa «Mūstafa Şoqai mūrasyn zertteu: arhivten sifrlyq zertteuge deiın» taqyrybynda qonaq därıs oqydy, dep habarlaidy «Adyrna» tılşısı.
Ǧalym därıs barysynda Mūstafa Şoqai mūrasyn zertteudegı köpjyldyq täjıribesımen bölısıp, arhiv qūjattaryn ızdeu, salystyrmaly taldau jürgızu, Şoqaidyŋ hattary men maqalalaryn jüieleu mäselelerıne toqtaldy. Sondai-aq sifrlyq tehnologiialar men jasandy zerdenıŋ tarihi derekterdı zertteudegı jaŋa mümkındıkterın söz ettı.
Äbdıuaqap Qaranyŋ aituynşa, Mūstafa Şoqaidyŋ hattaryn sifrlyq korpus retınde zertteu onyŋ saiasi qyzmetın ǧana emes, tūlǧalyq bolmysyn da tereŋırek tanuǧa jol aşady.
«Äsırese, Mūstafa Şoqaidyŋ hattaryn sifrlyq korpus retınde zertteu arqyly onyŋ saiasi küresımen qatar, adamdarmen bailanysyn, jūmys jüiesın, oilau erekşelıgın jäne emigrasiiadaǧy küres jelısın tereŋırek tanuǧa bolatynyn mysaldarmen körsettım. Osy oraida qolda bar 300-den asa hatty negızgı derek retınde paidalanyp "Hattardaǧy Mūstafa Şoqai: emigrasiiadaǧy küres, adamdyq qarym-qatynastar jäne saiasi qairatkerdıŋ jūmys jüiesı" kıtabymdy taiauda aiaqtadym. Jyldyŋ aiaǧyna taman Ystambūlda türık tılınde jaryq körmek»,– dedı ol.
Därıste jasandy zerdenı ǧylymda paidalanu mäselesıne de erekşe nazar audaryldy. Äbdıuaqap Qara studentterdıŋ jasandy zerdenı daiyn jūmys jazdyru üşın emes, zertteu prosesıne kömekşı qūral retınde qoldanuy maŋyzdy ekenın atap öttı.
«Jasandy zerdege üi tapsyrmasyn daiyn mätın türınde tolyq jazdyryp, ony öz jūmysy retınde tapsyrǧan student eŋ aldymen bılım alu mümkındıgın joǧaltady. Ol taqyrypty öz betımen tüsınu, derek ızdeu, salystyru, sūraq qoiu, oi qorytu jäne öz pıkırın däleldeu daǧdylaryn damytpaidy. Tapsyrma oryndalǧan bolyp körıngenımen, studenttıŋ bılımı öspeidı. Sondyqtan jasandy zerde studenttıŋ ornyna oilaityn qūral emes, onyŋ özdıgınen oilauyna kömektesetın qūral boluy kerek»,– dedı ǧalym.
Därıs soŋynda jas zertteuşıler ǧalymǧa öz saualdaryn qoiyp, mazmūndy pıkır almasty. Is-şaranyŋ qorytyndysynda Qazaqstan tarihy kafedrasynyŋ meŋgeruşısı, dosent Qūralai Seitqazina qonaqqa alǧys bıldırıp, estelık syilyq tabys ettı.
