Prezident Qasym-Jomart Toqaevtyŋ Jarlyǧymen üş maŋyzdy memlekettık organnyŋ basşylary qaita taǧaiyndaldy, dep habarlaidy "Adyrna".
Memleket basşysy Jarlyǧymen Konstitusiialyq Sotty Elvira Äzımova, Ortalyq sailau komissiiasyn Nūrlan Äbdırov, al Joǧary auditorlyq palatany Älihan Smaiylov basqaratyn boldy.
Jaŋa basşylardyŋ ärqaisysynyŋ memlekettık qyzmette mol täjıribesı bar.
Elvira Äzımova
Elvira Äbılhasymqyzy Äzımova 1973 jylǧy 15 aqpanda düniege kelgen. 1996 jyly Qoja Ahmet Iаsaui atyndaǧy Halyqaralyq qazaq-türık universitetın «halyqaralyq zaŋger» mamandyǧy boiynşa tämamdaǧan.
Eŋbek jolyn Şymkent qalasyndaǧy Dzerjinskii audandyq ışkı ıster bölımınde basqaru pultınıŋ kezekşı operatory qyzmetınen bastaǧan.
1996-2013 jyldary Ädılet ministrlıgınıŋ jüiesınde türlı lauazymdarda jūmys ıstep, 2013-2019 jyldary Ädılet ministrınıŋ orynbasary qyzmetın atqardy.
2019-2022 jyldary Qazaqstandaǧy Adam qūqyqtary jönındegı uäkıl boldy. Sondai-aq Prezident janyndaǧy Adam qūqyqtary jönındegı komissiia men Äielder ısterı jäne otbasylyq-demografiialyq saiasat jönındegı ūlttyq komissiianyŋ qūramynda jūmys ıstedı.
2023 jylǧy 1 qaŋtardan bastap Konstitusiialyq Sottyŋ Töraǧasy qyzmetıne taǧaiyndaldy.
Nūrlan Äbdırov
Nūrlan Mäjitūly Äbdırov 1961 jylǧy 12 qaŋtarda düniege kelgen. KSRO IIM Qaraǧandy joǧary mektebın jäne KSRO IIM Bükılodaqtyq ǧylymi-zertteu institutynyŋ kündızgı adiunkturasyn tämamdaǧan. Zaŋ ǧylymdarynyŋ doktory, professor.
1982-1997 jyldary Qaraǧandy joǧary mektebınde oqytuşy bolyp eŋbek ettı. Keiın Esırtkını baqylau jönındegı memlekettık komissiiada, Naşaqorlyqqa jäne esırtkı biznesıne qarsy küres agenttıgınde jäne Ädılet ministrlıgınıŋ bırqatar qūrylymdarynda basşylyq qyzmetter atqardy.
2002-2009 jyldary Qauıpsızdık keŋesı Hatşylyǧynda türlı lauazymdarda jūmys ıstedı. 2005-2009 jyldary Qauıpsızdık keŋesı Hatşysynyŋ orynbasary ärı Hatşylyq meŋgeruşısı boldy.
2009-2020 jyldary Mäjılıs deputaty bolyp, Zaŋnama jäne sot-qūqyqtyq reforma komitetın basqardy. 2020 jyly Senat deputaty bolyp sailanyp, keiın Senat Töraǧasynyŋ orynbasary qyzmetın atqardy.
2022 jylǧy 25 qaŋtarda Prezident Jarlyǧymen Ortalyq sailau komissiiasynyŋ Töraǧasy bolyp taǧaiyndalǧan.
Älihan Smaiylov
Älihan Ashanūly Smaiylov 1972 jylǧy 18 jeltoqsanda Almaty qalasynda tuǧan.
1994 jyly Äl-Farabi atyndaǧy Qazaq memlekettık ūlttyq universitetın «qoldanbaly matematika» mamandyǧy boiynşa tämamdady. 1996 jyly Qazaqstan Respublikasynyŋ Prezidentı janyndaǧy Qazaqstan menedjment, ekonomika jäne boljamdau institutyn bıtırıp, memlekettık basqaru magistrı därejesın aldy.
Eŋbek jolynda Statistika agenttıgı, Prezident Äkımşılıgı jäne özge de memlekettık qūrylymdarda türlı qyzmetter atqardy. 1999-2003 jyldary Statistika agenttıgın basqardy.
Keiın Syrtqy ıster jäne Qarjy ministrlıkterı basşylyǧy qūramynda jūmys ıstep, «QazAgro» ūlttyq holdingı» AQ prezidentı qyzmetın atqardy.
2018-2019 jyldary Qarjy ministrı, 2019-2022 jyldary Premer-Ministrdıŋ bırınşı orynbasary – Qarjy ministrı boldy. 2022 jylǧy qaŋtardan 2024 jylǧy aqpanǧa deiın Qazaqstan Respublikasynyŋ Premer-Ministrı qyzmetın atqardy.
2024 jylǧy 1 säuırdegı Prezident Jarlyǧymen Joǧary auditorlyq palatanyŋ Töraǧasy bolyp taǧaiyndalǧan.
