Bügın, 23 qyrküiekte memleket basşysy Qasym-Jomart Toqaevtyŋ jarlyqtarymen Qazaqstan Respublikasy Konstitusiialyq sotynyŋ on sudiasy taǧaiyndaldy. Būl turaly Aqorda jariialady, dep habarlaidy "Adyrna".
Memleket basşysynyŋ jarlyqtarymen:
- Säken Abdolla;
- Läila Sūltanqyzy Jaqaeva;
- Qairat Tölegenūly Jaqypbaev;
- Aijan Erjanqyzy Jatqanbaeva;
- Aigül Quanyşbaiqyzy Qydyrbaeva;
- Qanat Sergeiūly Musin;
- Baqyt Maratūly Nūrmūhanov;
- Sergei Vasilevich Skriabin;
- Aslan Sultanovich Tukiev;
- Sergei Fedorovich Udarsev taǧaiyndaldy.
Prezident jarlyqtary şyqqanǧa deiın Qūryltai deputattary plenarlyq otyrysta Konstitusiialyq sot sudialaryn taǧaiyndauǧa kelısım berdı.
Kandidaturalardy Prezident Äkımşılıgınıŋ basşysy Roman Skliar tanystyrdy:
"Qazaqstan Respublikasy Konstitusiiasynyŋ 56-babyna säikes Konstitusiialyq sottyŋ sudialaryn taǧaiyndau üşın Qūryltaidyŋ kelısımı qajet. Memleket basşysynyŋ tapsyrmasyna säikes Konstitusiialyq sot sudialary lauazymyna on kandidatura ūsynylyp otyr", – dedı ol.
22 qyrküiekte Toqaev Qazaqstan Halyq Keŋesınıŋ bırınşı sessiiasyn şaqyru turaly ökımge qol qoiǧan bolatyn. Sessiia 23–24 qyrküiekte Astanada ötedı.
