Ekologiia ministrlıgınıŋ apparat basşysy taǧaiyndaldy

117
Adyrna.kz Telegram
https://adyrna.kz/storage/uploads/YpauTuXyMmysRQUKurwClr3iS7wWsfEU3mKqkS2C.jpg

Ǧanijan Asanūly QR ekologiia jäne tabiǧi resurstar ministrlıgı apparatynyŋ basşysy qyzmetıne taǧaiyndaldy. Tiıstı būiryqqa vedomstvo basşysy qol qoiǧan, dep habarlaidy "Adyrna". 

Ǧanijan Asanūly 1986 jyly Türkıstan oblysynda düniege kelgen. Qarjy polisiiasy akademiiasyn, Ūlybritaniiadaǧy King’s College London universitetın jäne Qaztūtynuodaǧy Qaraǧandy ekonomikalyq universitetın tämamdaǧan. Prezidenttık jastar kadr rezervınıŋ müşesı.

Eŋbek jolyn 2008 jyly qarjy polisiiasy organdarynda bastaǧan. 2012–2014 jyldary QR Memlekettık qyzmet ısterı agenttıgınde sarapşy jäne bas sarapşy qyzmetterın atqarǧan.

2014–2017 jyldary Memlekettık qyzmet ısterı jäne sybailas jemqorlyqqa qarsy ıs-qimyl agenttıgınde türlı basşylyq lauazymdarda jūmys ıstegen. Keiın Türkıstan oblysy boiynşa Ädep jönındegı keŋes basşysynyŋ orynbasary – hatşylyq meŋgeruşısı bolǧan.

2019–2021 jyldary Sybailas jemqorlyqqa qarsy ıs-qimyl agenttıgınıŋ Türkıstan oblysy boiynşa departamentı basşysynyŋ bırınşı orynbasary, sondai-aq agenttık direktorynyŋ orynbasary jäne Parasattylyq departamentınıŋ direktory qyzmetterın atqarǧan.

2021–2022 jyldary agenttıktıŋ Prevensiia qyzmetı basşysynyŋ orynbasary bolǧan.

2022 jyldan bastap QR Prezidentı Äkımşılıgınde qyzmet atqarǧan. Aldymen Memlekettık qyzmet jäne kadr saiasaty bölımınıŋ, keiın Memlekettık qyzmet bölımınıŋ sektor meŋgeruşısı bolǧan.

Aita keteiık, būǧan deiın Älıbek Quantyrov Qazaqstan Respublikasynyŋ Ekologiia jäne tabiǧi resurstar ministrı bolyp taǧaiyndalǧan edı.

Pıkırler