Edıl Ospan QR Oqu-aǧartu vise-ministrı bolyp taǧaiyndaldy. Būl turaly QR Ükımetınıŋ baspasöz qyzmetı habarlady, dep jazady "Adyrna" ūlttyq portaly.
"Qazaqstan Respublikasy Ükımetınıŋ qaulysymen Edıl Sabyrūly Ospan QR oqu-aǧartu vise-ministrı bolyp taǧaiyndaldy",- delıngen habarlamada.Edıl Ospan 1983 jyly Türkıstan oblysynda düniege kelgen. A. Iаssaui atyndaǧy Halyqaralyq qazaq-türık universitetın, Qazaq gumanitarlyq-zaŋ universitetın, Ūlybritaniiadaǧy Ekseter univresitetın (University of Exeter) bıtırgen. Zaŋ ǧylymdarynyŋ kandidaty ǧylymi därejesı bar. Eŋbek jolyn 2004 jyly Almaty qalasyndaǧy «Qūqyq jäne ekonomika» kolledjınıŋ oqytuşysy bolyp bastaǧan. Är jyldary Qazaq gumanitarlyq-zaŋ universitetınıŋ oqytuşysy, L. N. Gumilev atyndaǧy Euraziia ūlttyq universitetınıŋ aǧa oqytuşysy, QR Prezidentı janyndaǧy Memlekettık basqaru akademiiasynyŋ jetekşı ǧylymi qyzmetkerı bolyp jūmys ıstedı. 2007-2010 jyldary – QR Parlamentı Mäjılısı deputatynyŋ kömekşısı. 2010-2019 jyldary – QR Prezidentı Äkımşılıgınıŋ Qazaqstan halqy Assambleiasy hatşylyǧynyŋ sarapşysy, inspektory. 2019-2020 jyldary Qoǧamdyq saiasat instituty direktorynyŋ orynbasary. 2020 jyly – QR aqparat jäne qoǧamdyq damu ministrınıŋ keŋesşısı. 2020 jylǧy qaraşadan 2021 jylǧy aqpanǧa deiın – QR Premer-Ministrı Keŋsesınıŋ Äleumettık-mädeni damu bölımı meŋgeruşısınıŋ orynbasary. 2021 jylǧy aqpannan 2023 jylǧy aqpanǧa deiın – QR Premer-Ministrı Keŋsesınıŋ Äleumettık-mädeni damu bölımınıŋ meŋgeruşısı. 2023 jylǧy aqpan aiynan bastap — Ükımet Apparatynyŋ Äleumettık damu bölımınıŋ meŋgeruşısı bolyp qyzmet atqardy.
"Adyrna" ūlttyq portaly
Ūqsas jaŋalyqtar
