Edil Ospan QR Oqý-aǵartý vıe-mınıstri bolyp taǵaıyndaldy. Bul týraly QR Úkimetiniń baspasóz qyzmeti habarlady, dep jazady "Adyrna" ulttyq portaly.
"Qazaqstan Respýblıkasy Úkimetiniń qaýlysymen Edil Sabyruly Ospan QR oqý-aǵartý vıe-mınıstri bolyp taǵaıyndaldy",- delingen habarlamada.
Edil Ospan 1983 jyly Túrkistan oblysynda dúnıege kelgen.
A. Iassaýı atyndaǵy Halyqaralyq qazaq-túrik ýnıversıtetin, Qazaq gýmanıtarlyq-zań ýnıversıtetin, Ulybrıtanııadaǵy Ekseter ýnıvresıtetin (University of Exeter) bitirgen.
Zań ǵylymdarynyń kandıdaty ǵylymı dárejesi bar.
Eńbek jolyn 2004 jyly Almaty qalasyndaǵy «Quqyq jáne ekonomıka» kolledjiniń oqytýshysy bolyp bastaǵan.
Ár jyldary Qazaq gýmanıtarlyq-zań ýnıversıtetiniń oqytýshysy, L. N. Gýmılev atyndaǵy Eýrazııa ulttyq ýnıversıtetiniń aǵa oqytýshysy, QR Prezıdenti janyndaǵy Memlekettik basqarý akademııasynyń jetekshi ǵylymı qyzmetkeri bolyp jumys istedi.
2007-2010 jyldary – QR Parlamenti Májilisi depýtatynyń kómekshisi.
2010-2019 jyldary – QR Prezıdenti Ákimshiliginiń Qazaqstan halqy Assambleıasy hatshylyǵynyń sarapshysy, ınspektory.
2019-2020 jyldary Qoǵamdyq saıasat ınstıtýty dırektorynyń orynbasary.
2020 jyly – QR aqparat jáne qoǵamdyq damý mınıstriniń keńesshisi.
2020 jylǵy qarashadan 2021 jylǵy aqpanǵa deıin – QR Premer-Mınıstri Keńsesiniń Áleýmettik-mádenı damý bólimi meńgerýshisiniń orynbasary.
2021 jylǵy aqpannan 2023 jylǵy aqpanǵa deıin – QR Premer-Mınıstri Keńsesiniń Áleýmettik-mádenı damý bóliminiń meńgerýshisi.
2023 jylǵy aqpan aıynan bastap — Úkimet Apparatynyń Áleýmettik damý bóliminiń meńgerýshisi bolyp qyzmet atqardy.
"Adyrna" ulttyq portaly
