Pýtındi tutqyndaýǵa order bergen sýdıa Halyqaralyq qylmystyq sotty basqarady, dep habarlaıdy "Adyrna" tilshisi International Criminal Court-qa siltep.
Tomoko Akane hanym Halyqaralyq qylmystyq sottyń jańa prezıdenti bolyp saılandy.
Akane hanym Reseı prezıdenti Vladımır Pýtındi tutqyndaýǵa order bergen sýdıalarynyń biri.
«Halyqaralyq qylmystyq sottyń tóraǵasy laýazymyna sýdıa áriptesterimniń saılaǵany - úlken mártebe. HQS úshin osy qıyn kezeńde turaqty, birlesken, birtutas basshylyq qajet », - dedi jańa basshy.
Tomoko Akane 2027 jylǵa deıin HQS-ty basqarady. Ol aldaǵy ýaqytta sottaǵy qyzmetkerlerdiń qaýipsizdigi men ál-aýqatyna erekshe kóńil bólýge nıetti ekenin jetkizdi.
Akane hanymǵa deıin sottyń tóraǵalyǵynda polıak zańgeri Petr Hofmanskıı boldy.
2023 jyldyń naýryzynda HQK Vladımır Pýtındi, sondaı-aq Reseıdegi balalar quqyqtary jónindegi ýákil Marııa Lvova-Belovany qamaýǵa alýǵa order berdi.
2023 jyldyń qarashasynda Reseı Ishki ister mınıstrligi Akane hanymnan bólek, Halyqaralyq qylmystyq sottyń taǵy birneshe sýdıasyn izdeýge jarııalady. Sol jyldyń kókteminde Reseı Federaııasynyń Tergeý komıteti olarǵa qarsy shetel memleketiniń ókilin zańsyz ustaý jáne shabýyl jasaýǵa daıyndalǵany úshin qylmystyq is qozǵaǵan bolatyn.
