Mındettı äleumettık medisinalyq saqtandyru (MÄMS) jüiesınde 2026 jyldyŋ bırınşı jartyjyldyǧynda medisinalyq ūiymdarǧa tölem jasalǧanǧa deiın 4 mlrd teŋgeden astam aqau anyqtaldy, dep habarlaidy "Adyrna".
Būl turaly Ükımettıŋ baspasöz qyzmetı habarlady. Aqaulardy antifrod jüiesı anyqtaǧan. Iаǧni yqtimal negızsız tölemder medisinalyq ūiymdarǧa qarajat audarylǧanǧa deiın būǧattalady. MÄMS reformasy aiasynda tölemderdı baqylau preventivtı formatqa köşırılıp jatyr. Būǧan deiın baqylau tölem jasalǧannan keiın jürgızılse, qazır qarjy audarylmai tūryp tekserıledı. 2026 jyldyŋ qaŋtarynan bastap äleumettık medisinalyq saqtandyru qory qarjy ministrlıgınıŋ qaramaǧyna berıldı. Aqpan aiynan bastap qarjylandyrudy basqarudyŋ bıryŋǧai sifrlyq konturyna köşu jūmystary jürgızılude.
Medisinalyq kömektı josparlau, satyp alu, baqylau jäne töleu prosesterı Qalqan sifrlyq platformasyna kezeŋ-kezeŋımen köşırılıp jatyr. Qazır platforma 207 klinikada pilottyq rejimde synaqtan ötude. Onyŋ kömegımen medisinalyq kömektıŋ 92 türınıŋ 20-sy boiynşa tölem jüzege asyrylyp, taǧy 60 türı boiynşa testıleu jürgızılude. Jyl soŋyna deiın medisinalyq kömektıŋ barlyq türın platformada önerkäsıptık paidalanuǧa beru josparlanǧan.
