4 qazanda keshki ýaqytta isten shyqqan Facebook, Instagram jáne Whatsapp áleýmettik jelileri iske qosyldy. Aqaý neden shyqqanyn Facebook qyzmetkerleri túsindirdi. Bul týraly New York Times jýrnalısi Shıra Frenkel Twitter-de jazdy, - dep habarlaıdy “Adyrna” ulttyq portaly Tengrinews.kz saıtyna silteme jasap.
Sóıtsek, Facebook qyzmetkerleri jelide neden aqaýdan shyqqanyn anyqtaý úshin kompanııaǵa baryp, kire almaǵan eken.
"FB jumysshysy tańǵy ýaqytta qyzmetkerler keńsege kire almaǵanyn telefon arqyly aıtty, sebebi beıdjder esik qulpyn asha almaǵan", - dep habarlady Frenkel Twitter-de.
The New York Times jýrnalısi Raıan Mak Facebook qyzmetkerleri iskerlik kommýnıkaııalarǵa arnalǵan ishki baǵdarlamalar jumysyndaǵy problemaǵa baılanysty jumys isteı almaǵanyn jazypty.
"Facebook qyzmetteri men qosymshalary ǵana emes, sonymen qatar onyń ishki quraldary men baılanys platformalary, sonyń ishinde Workplace (jumys baılanysy qyzmeti) jumys istemedi. Eshkim eshqandaı jumys isteı almaıdy. Men sóılesken birneshe adam bul kompanııadaǵy "qarly kúnniń" balamasy ekenin aıtty", - dep jazdy ol.
