Kanada men Norvegııada áýede apatty jaǵdaı oryn alyp, eki oqıǵa da adam shyǵynynsyz aıaqtaldy, dep habarlaıdy "Adyrna" ulttyq portaly.
28 jeltoqsan kúni keshke Kanadanyń Galıfaks qalasyndaǵy áýejaıda Sent-Djons qalasynan kelgen Air Canada kompanııasynyń 2259 reısi shassı aqaýyna baılanysty ushý-qoný jolaǵynan syrǵyp, bir bóligi órtenip ketti.
Ushaqtaǵy jolaýshylardyń biri Nıkkı Valentaınnyń aıtýynsha, qoný kezinde shassıdiń biri durys ashylmaǵan. Bul ushaqtyń solǵa qaraı 20 gradýsqa eńkeıip, qanatynyń trotýarǵa tıip ketýine sebep bolǵan. Ushaq uzaq qashyqtyqqa syrǵyp baryp toqtaǵan.
Oqıǵadan keıin borttaǵy shamamen 80 adam evakýaııalandy. Áýejaı ákimshiligi oqıǵadan qaza tapqandar joq ekenin habarlady. Degenmen, jaraqat alǵandar bar. Olardyń naqty sany ázirge belgisiz.
Ekinshi oqıǵa Norvegııada oryn aldy. Oslo qalasynan Amsterdamǵa baǵyt alǵan KLM avıakompanııasynyń Boeing 737 ushaǵy 29 jeltoqsan kúni keshke tehnıkalyq aqaýǵa baılanysty Ońtústik Norvegııadaǵy Torp Sandeford áýejaıyna shuǵyl qondy.
Ushaq bortynda bolǵan 182 adamnyń barlyǵy aman. Ushý kezinde jolaýshylar sol jaq qozǵaltqyshtan shyqqan qatty dybys pen tútindi baıqap, pılottar qonýǵa sheshim qabyldaǵan.
Qoný kezinde ushaq basqarylmaı, ushý-qoný jolaǵynan asyp ketip, shópke toqtaǵan.
Eki oqıǵa da adam shyǵynysyz aıaqtaldy. Alaıda mamandar áýe kemelerindegi tehnıkalyq aqaýlarǵa qatysty tergeýdi bastady.
