Qazaqstandyqtar 4 tamyz künı Tele2 men Altel operatorlaryndaǧy internet mäselesıne şaǧymdandy, dep habarlaidy "Adyrna" ūlttyq portaly.
Bügın elımızde Tele2 men Altel bailanys operatorlarynda bailanys sönıp, internet qoljetımsız boldy. Al jelı qoldanuşylary internettegı aqau elımızdıŋ oŋtüstıgı men astanada da tuyndaǧanyn aityp, şaǧym bıldırdı.
"Şymkent, Tele2-de internet mülde ıstemeidı. Üş saǧat boldy. Bır saǧattan berı Altelde internet joq. Tıptı habarlama da kelmeidı", – dep jazdy jelı qoldanuşylary.
Sondai-aq, Tele2-degı bailanys mäselesı Taraz ben Almaty qalalarynda da bırneşe saǧatqa sozylǧan. Al operatordyŋ qoldanuşylary sall-ortalyqpen de bailanysa almaǧanyn aityp, şaǧym bıldırdı.
Tarif baǧasy men tiımdı ūsynystar turaly jiı habarlama joldap, aqparat beretın Tele2 men Altel bailanys mäselesıne qatysty eşqandai aqparat ūsynbady. Tek Instagram jelısındegı operatorlardyŋ jasandy boty saual joldaǧan qoldanuşyǧa ǧana internettıŋ jartylai öşırılgenı turaly habarlaǧan.
Alaida tehnikalyq aqauǧa ne sebep bolǧany aitylmady.
"Qūrmettı abonent, qazır internet jartylai öşırılgen. Bızdıŋ mamandar jaǧdaidy tüzetu üşın qoldan kelgendı jasaidy", – delıngen habarlamada.
Tele2 operatorynyŋ resmi saitynda tarifter baǧasy 990 teŋgeden bastalyp (Bılım), 6590 teŋgege deiın şaryqtaityny körsetılgen. Al halyq:
"Ai saiyn 5 myŋdap tarif töleimız. Bıraq Tele2-de bailanys jiı bolmai qalady", "Qalanyŋ syrtyna şyǧa qalsaŋ bärı öşedı, "tarifter baǧasy qymbat, al sapasy tömen" dep jarysa jazuda.
"Adyrna" ūlttyq portalynyŋ Telegram arnasynda jariialanǧan saualnama boiynşa dauys bergen 74 adamnyŋ 53% el aumaǧynda bailanystyŋ naşar ūstaitynyn aitady. Al 47%-y internet qyzmetıne köŋılı tolatynyn jetkızgen.
Ūqsas jaŋalyqtar
