Bekbolat Tileýhan Túrkııa azamattyǵyn alýǵa ótinim bergen joq - Oljas Qudaıbergenov

2593
Adyrna.kz Telegram
Foto: parlam.kz
Foto: parlam.kz

Búgin Bekbolat Tileýhannyń Túrkııa azamattyǵyn alýǵa ótinim bergeni týraly aqparat taraǵan bolatyn. Alaıda, ekonomıst Oljas Qudaıbergenov Bekbolat Tileýhanmen sóıleskenin jáne Túrkııa azamattyǵyna ótinim bermegeni týraly Facebook paraqshasyna jazdy, dep habarlaıdy “Adyrna” ulttyq portaly.

“Jańa ǵana Bekbolat Tileýhanmen sóılestim. Ol Túrkııanyń azamattyǵyn alýǵa ótinish bermegen, tipti josparlamaǵan da. Qudaıǵa shúkir! Talantty adamdar elden ketse jaman. Onyń keıbir kózqarastary bireýge unamaıtyny anyq, biraq demokratııanyń paıdasy sol, san alýan pikirler bar. Men Bekeńdi jaqsy bilemin. Onyń eshkimde joq, sırek kezdesetin erekshe qasıeti týraly aıta alamyn. Ol negizinen ıntrıgaǵa qabiletsiz, ańǵal, ony aldaý óte ońaı, sondyqtan kópshilik paıdalanady.  Shyǵarmashylyq adam, oıyna kelgenin aıtady, shyn júrekten janjaldasýy múmkin, biraq erteńine-aq renish pen ashýyn ońaı umytady. Onyń shyǵarmashylyq tabıǵaty búginmen ómir súredi!”, delingen jazbada.

Sonymen qatar, Oljas Qudaıbergenovtyń aıtýynsha, Bekbolat Tileýhannyń depýtat bolýyna qarsy bolǵan.

“Árbir adamnyń talanty bar jáne ony damytýǵa kúsh salý kerek. Talantty mýzykant Bekbolattyń depýtat bolýyna jeke ózim qarsy boldym. Bul onyń talantyn durys paıdalanbaý boldy. Bıliktiń tıisti ókilettigi bolmaǵan soń, halyqtyń qulaǵyna sińgen, halyq syılaıtyn, senetin adamdardy óz qataryna tarta bastaıtyny jıi kezdesedi. Bılik shynymen de halyqqa jaqsylyq jasaýǵa umtylsa jaqsy ǵoı, bul daryndy adamdardyń bedelin paıdalaný. Sondyqtan jaqsy bılik mundaı qýlyqqa barmaýy kerek. Talanttardyń saıasatqa jolaýyna múldem jol bermeý kerek. Olarǵa prezıdenttik stıpendııa (kúndelikti máselelerdi oılamaı-aq ómir súrý úshin) bergen jón.

Eńbegimen eldiń ujymdyq kelbetin qalyptastyratyn jarqyn talanttardyń barlyǵynda ózge azamattar sııaqty kemshilikter bolady. Jaqyn dostary ózderiniń kemshilikterin aıtýdyń jolyn tabatyn sııaqty. Al bılikti qurtyp almaý úshin kópshilik aldynda talqylamaǵany durys. Bolar eldiń balasy birin biri batyr deıdi”,- dedi ol.

“Adyrna” ulttyq portaly

Pikirler