Memleket basshysy Q. Toqaev covid-19 indetin juqtyrǵan Tileýhannyń jaǵdaıyna alańdaýshylyq bildirip, halyqty karantın sharalaryn muqııat saqtaýǵa shaqyrdy.
«Belgili qoǵam qaıratkeri, qazaqtyń ulttyq óneriniń maıtalmany Bekbolat Tileýhanǵa indetten tezirek saýyǵyp shyǵýyn tileımin. Barlyq azamattardy dertten saqtanyp, karantın talaptaryna muqııat bolýǵa shaqyramyn» dep jazdy ol tvıtter paraqshasynda.
Eske sala ketsek, keshe Bekbolat Tileýhannyń aýyryp qalǵany jóninde habarlanǵan.
Al keshkilik KTK arnasynan jańa derekter habarlandy. Onda Bekbolat Tileýhannyń koronavırýspen aýyrǵanyna 10 kún bolǵany, qazirdiń ózinde onymen baılanysta bolǵan bes adamnan indettiń belgileri anyqtalǵan eken. Týystary men janynda júrgen kómekshileriniń barlyǵy test tapsyrýǵa kóshken. Sondaı-aq, atalǵan jáıtke baılanysty májilis úıindegilerdiń alańdaýyna negiz joqtyǵy aıtylǵan.
Májilistiń baspasóz qyzmeti:
-
Qazir depýtat Bekbolat Tileýhannan koronavırýs ınfekııasy anyqtalyp, ol qajetti emdeý kýrsyn qabyldap jatyr. Depýtat osyǵan deıin qashyqtan jumys isteý rejıminde bolǵan. Búgingi tańda depýtattyq korpýstan da, apparat qyzmetkerlerinen de atalǵan aýrý belgileri anyqtalǵan joq
"Adyrna" ulttyq portaly
