Nurbol Qaıyrbekuly esimdi feısbýk qoldanýshysy ánshi, jyrshy, qoǵam qaıratkeri Bekbolat Tileýhanǵa qatysty syn aıtqan Aıgúl Orynbekke jaýap qatyp, arashashy boldy, dep habarlaıdy "Adyrna" ulttyq portaly.
Burynǵy depýtattyń jaqtastary Bekbolat Tileýanovqa qatysty óz kózqarasyn jarııalap, óz oıyn ashyq aıtyp júrgen Aıgúl Orynbekke shúılikti.
"Aıgúl Orynbek degen bárin bilgish danyshpanymyz bar ǵoı, sol tym jaqsy din jóninde ózekti másele kóteripti de, ol jerge aparyp qaıtadan Bekbolat Tileýhandy qystyrypty. Bekbolat endi ketti ǵoı... dep bireýge jala jabatyndaı siz betin tumshalap túgel jaýyp tastaǵan Bekbolattyń qaı qyzyn, qaısy áıelin, qaı qaryndasyn kórdińiz? Sońǵy Nartaımen bolǵan suhbatynda da mektep jasyndaǵy kishkentaı qyzdardyń oramal taǵýyn onsha kóp quptamaıtynyn tikesinen aıtty ǵoı. Endi onyń artynan taǵyda qandaı kir izdedińiz? Bekeń qashan kórseń de bir áıelimen toıda júrse, ekinshi áıelimen merekelik keshterde, ázil-syqaq jerlerde kóńil kóterip otyrady. Ol kisiden qandaı dinı astar izdep júrsiz? Negizi qaı adamnyń bolmasyn, aqyldylyǵy mansabymen ólshenbeıdi eken ǵoı, óresi tómen bolsa, ol báribir bıiktemeıdi eken, sony uqtym. Aıtpaqshy baıqadyńyz ba, Aıgúl, jeńeshelerimiz birinen-biri ótken, sizden de sulý eken, ıá? Óıtkeni Bekeń mýjık ǵoı, - dedi avtor.
Buǵan qatysty feısbýk jelisindegi oqyrmandar tartysqa toly pikir bildirýde.
"Bekbolatty jaǵympaz degen adamǵa sol múmkindik berilse, olar Bekeńnen ótken zoryn isteýshi edi. Qatyndar ol kisimen nege alysady? Óıtkeni ol kisi sharıǵat jolymen birneshe áıel alyp otyr. Bul sanasy syn kótermeıtin áıel symaqtarǵa unamady. Saqal qoıyp, din jolynda júrýi bizdegi ateıster men táńirshilderge unaı qoımady. Keıbirimiz ol kisiniń depýtat bolǵanyn unatpadyq. Bireýdiń jetken jetistigin kóre almaı, basyndaǵy baqytyn qyzǵanyp, beıshara pendelik qylyp júrgen jaıymyz bar. Solaı aýyryp qaldyq ǵoı, negizi", "Aıgúl shyndyqty aıtady", "Aıgúldi qoldaımyn" - dep jazdy oqyrmandar.
"Adyrna" ulttyq portaly
