Nūrbol Qaiyrbekūly esımdı feisbuk qoldanuşysy änşı, jyrşy, qoǧam qairatkerı Bekbolat Tıleuhanǧa qatysty syn aitqan Aigül Orynbekke jauap qatyp, araşaşy boldy, dep habarlaidy "Adyrna" ūlttyq portaly.
Būrynǧy deputattyŋ jaqtastary Bekbolat Tıleuanovqa qatysty öz közqarasyn jariialap, öz oiyn aşyq aityp jürgen Aigül Orynbekke şüilıktı."Aigül Orynbek degen bärın bılgış danyşpanymyz bar ǧoi, sol tym jaqsy dın jönınde özektı mäsele köterıptı de, ol jerge aparyp qaitadan Bekbolat Tıleuhandy qystyrypty. Bekbolat endı kettı ǧoi... dep bıreuge jala jabatyndai sız betın tūmşalap tügel jauyp tastaǧan Bekbolattyŋ qai qyzyn, qaisy äielın, qai qaryndasyn kördıŋız? Soŋǧy Nartaimen bolǧan sūhbatynda da mektep jasyndaǧy kışkentai qyzdardyŋ oramal taǧuyn onşa köp qūptamaitynyn tıkesınen aitty ǧoi. Endı onyŋ artynan taǧyda qandai kır ızdedıŋız? Bekeŋ qaşan körseŋ de bır äielımen toida jürse, ekınşı äielımen merekelık keşterde, äzıl-syqaq jerlerde köŋıl köterıp otyrady. Ol kısıden qandai dıni astar ızdep jürsız? Negızı qai adamnyŋ bolmasyn, aqyldylyǧy mansabymen ölşenbeidı eken ǧoi, öresı tömen bolsa, ol bärıbır biıktemeidı eken, sony ūqtym. Aitpaqşy baiqadyŋyz ba, Aigül, jeŋeşelerımız bırınen-bırı ötken, sızden de sūlu eken, iä? Öitkenı Bekeŋ mujik ǧoi, - dedı avtor.
Būǧan qatysty feisbuk jelısındegı oqyrmandar tartysqa toly pıkır bıldırude.
"Bekbolatty jaǧympaz degen adamǧa sol mümkındık berılse, olar Bekeŋnen ötken zoryn ısteuşı edı. Qatyndar ol kısımen nege alysady? Öitkenı ol kısı şariǧat jolymen bırneşe äiel alyp otyr. Būl sanasy syn kötermeitın äiel symaqtarǧa ūnamady. Saqal qoiyp, dın jolynda jüruı bızdegı ateister men täŋırşılderge ūnai qoimady. Keibırımız ol kısınıŋ deputat bolǧanyn ūnatpadyq. Bıreudıŋ jetken jetıstıgın köre almai, basyndaǧy baqytyn qyzǧanyp, beişara pendelık qylyp jürgen jaiymyz bar. Solai auyryp qaldyq ǧoi, negızı", "Aigül şyndyqty aitady", "Aigüldı qoldaimyn" - dep jazdy oqyrmandar.
"Adyrna" ūlttyq portaly
Ūqsas jaŋalyqtar
