Qazaqtyń aıaýly aqyn qyzy, qurmetti el anasy, birneshe jyr kitaptarynyń avtory, ulttyq tárbıe men ult taǵdyrynyń janashyry Aqushtap Baqtygereevanyń eldi eleń etkizgen suhbaty jaryq kórdi. Alashtyń aqyn anasy óz suhbatynda aıtysker aqyn Muhamedjan Tazabek, Bekbolat Tileýhan jáne Aınur Tursynbaeva týraly óz oıyn aıtyp olardy jazǵyrady, dep habarlaıdy "Adyrna" ulttyq portaly "Nege.kz"-ke silteme kórsete otyryp.
Áleýmettik jelide tań qaldyrarlyq suhbat mátini tarady. Jazbada avtor retinde kórsetilgen jýrnalıst Ǵalymjan Sáńkibaev óz suhbatynyń úzindisinde aqyn apamyzdy tyńdasaq dep kele, avtordyń ómir tájirıbesi men azamattyq ustanymyna súıenip aıtqan pikirin usynady. "Aqyn Aqushtap Baqtygereeva: "Muhamedjan Tazabekke "ábden adasyp boldyń ǵoı!", – dep edim, mıyǵynan kúldi de qoıdy" deıdi aqyn-ana. Conymen qatar, Aqushtap Baqtygereeva tómendegideı oı bildiredi:
"Tarıhtyń qaı ǵasyrynan qara jamylǵan qazaq qyzyn kórdińder? Bes ret baıǵa tıip, altynshy kúıeýden bala týý degen eshqashan bolǵan emes. Óte jıirkenishti nárse. Aıdyń-kúnniń amanynda qazaq qyzyna talaq bolatyndaı ne kún týdy? Bul – ult basyna tóngen úlken qaýip. Erteń solardyń ishinen aqsha úshin terrorıst shyqpaıtynyna kepil bar ma? Buǵan qatań zań kerek. Obaly el arasyna iritki salyp, arandatyp júrgenderge keledi. Pálen qatyn alyp, ózderi shette júr ǵoı. Birde Muhamedjan Tazabekti kórip qalǵanda: «Balam-aı, qaıtsaıshy, ábden adasyp boldyń ǵoı!», – dep edim, mıyǵynan kúldi de qoıdy. Moıyndamasa da, kináli solar. Solar aqsha úshin bárin buzyp ketti", - dedi aqyn.
Sondaı-aq, aqyn Aqushtap Baqtygereeva Túrkııada dúrkiretip toı ótkizgen Aınur Tursynbaevany da qatań synǵa aldy.
"Búgin jastardy ınternet pen telefon, áleýmettik jeli tárbıelep jatyr. Ony sheshesi de qarap úlgermeıdi. Aqparat quraldary túrli zombylyqty nasıhattaıdy. Oǵan da zań tyıym salsa deımin. Osynyń bári ultty azdyrady.
Mysaly, álginde aıtqan Japonııa azyp turǵan joq, AQSh-tyń ózi kóp nársege tyıym salady. Al bizde zań joq. Telearnadan tárbıege jat, pátýasyz, kórgensiz habarlar kórsetedi. Bolmashy ánshiniń kúıeýge tıgeni kimge kerek? Bútin ulttyń mazasyn alatyn sharýa emes qoı. Meıli tısin, ol onyń jeke sharýasy. Aınur Tursynbaevanyń «Dıkıı Armannyń» dosyna tıip, Túrkııada toı ótkizip, brıllıant taratqany qazaq ultynyń maqsaty ma? Aıtpaý kerek, kórsetpeý kerek, mán bermeý kerek. Qazaq ulty úlken jolda ketip bara jatqan kósh emes pe? Onyń arbasynan túsip qalatyn nárse kóp.
Olar – týǵan jerin, namysty satqandar, sheteldik azamatqa tıgen qyzdar, Bekbolat pen Muhamedjandar, Aınurlar, aqsha qýǵandar, taǵysyn taǵy. Bulardyń qazaqtyń uly kóshine qajeti joq, tipti kiristirmeý kerek. Sondyqtan qoǵam, úkimet ulttyq rýhty qaıtsem kóteremin, qazaqty qaıtsem alys ǵasyrǵa aparamyn degen dúnıeni oılaý kerek.Qaıta qurý aqsha degendi alyp keldi. Bárin buzǵan – aqsha. Aqsha júrgen jerde ar men abyroı sóılemeıdi. Biraq aqshadan da qymbat nárseler bar", - dedi aqyn.
Qazaqtyń taǵdyry men keleshegine bir kisideı jany aýyratyn aqyn anamyz dindi emes, dinniń óńin aınaldyryp, tazalyǵyn kólegeıleıtin toptardyń teris qylyǵyn synǵa alady. Qashan da ulttyq qundylyqtar men qazaqy salt-canany bıik qoıady.
"Adyrna" ulttyq portaly
