بۇگىن بەكبولات تىلەۋحاننىڭ تۇركيا ازاماتتىعىن الۋعا ءوتىنىم بەرگەنى تۋرالى اقپارات تاراعان بولاتىن. الايدا، ەكونوميست ولجاس قۇدايبەرگەنوۆ بەكبولات تىلەۋحانمەن سويلەسكەنىن جانە تۇركيا ازاماتتىعىنا ءوتىنىم بەرمەگەنى تۋرالى Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
“جاڭا عانا بەكبولات تىلەۋحانمەن سويلەستىم. ول تۇركيانىڭ ازاماتتىعىن الۋعا ءوتىنىش بەرمەگەن، ءتىپتى جوسپارلاماعان دا. قۇدايعا شۇكىر! تالانتتى ادامدار ەلدەن كەتسە جامان. ونىڭ كەيبىر كوزقاراستارى بىرەۋگە ۇنامايتىنى انىق، بىراق دەموكراتيانىڭ پايداسى سول، سان الۋان پىكىرلەر بار. مەن بەكەڭدى جاقسى بىلەمىن. ونىڭ ەشكىمدە جوق، سيرەك كەزدەسەتىن ەرەكشە قاسيەتى تۋرالى ايتا الامىن. ول نەگىزىنەن ينتريگاعا قابىلەتسىز، اڭعال، ونى الداۋ وتە وڭاي، سوندىقتان كوپشىلىك پايدالانادى. شىعارماشىلىق ادام، ويىنا كەلگەنىن ايتادى، شىن جۇرەكتەن جانجالداسۋى مۇمكىن، بىراق ەرتەڭىنە-اق رەنىش پەن اشۋىن وڭاي ۇمىتادى. ونىڭ شىعارماشىلىق تابيعاتى بۇگىنمەن ءومىر سۇرەدى!”، دەلىنگەن جازبادا.
سونىمەن قاتار، ولجاس قۇدايبەرگەنوۆتىڭ ايتۋىنشا، بەكبولات تىلەۋحاننىڭ دەپۋتات بولۋىنا قارسى بولعان.
ء“اربىر ادامنىڭ تالانتى بار جانە ونى دامىتۋعا كۇش سالۋ كەرەك. تالانتتى مۋزىكانت بەكبولاتتىڭ دەپۋتات بولۋىنا جەكە ءوزىم قارسى بولدىم. بۇل ونىڭ تالانتىن دۇرىس پايدالانباۋ بولدى. بيلىكتىڭ ءتيىستى وكىلەتتىگى بولماعان سوڭ، حالىقتىڭ قۇلاعىنا سىڭگەن، حالىق سىيلايتىن، سەنەتىن ادامداردى ءوز قاتارىنا تارتا باستايتىنى ءجيى كەزدەسەدى. بيلىك شىنىمەن دە حالىققا جاقسىلىق جاساۋعا ۇمتىلسا جاقسى عوي، بۇل دارىندى ادامداردىڭ بەدەلىن پايدالانۋ. سوندىقتان جاقسى بيلىك مۇنداي قۋلىققا بارماۋى كەرەك. تالانتتاردىڭ ساياساتقا جولاۋىنا مۇلدەم جول بەرمەۋ كەرەك. ولارعا پرەزيدەنتتىك ستيپەنديا (كۇندەلىكتى ماسەلەلەردى ويلاماي-اق ءومىر ءسۇرۋ ءۇشىن) بەرگەن ءجون.
ەڭبەگىمەن ەلدىڭ ۇجىمدىق كەلبەتىن قالىپتاستىراتىن جارقىن تالانتتاردىڭ بارلىعىندا وزگە ازاماتتار سياقتى كەمشىلىكتەر بولادى. جاقىن دوستارى وزدەرىنىڭ كەمشىلىكتەرىن ايتۋدىڭ جولىن تاباتىن سياقتى. ال بيلىكتى قۇرتىپ الماۋ ءۇشىن كوپشىلىك الدىندا تالقىلاماعانى دۇرىس. بولار ەلدىڭ بالاسى ءبىرىن ءبىرى باتىر دەيدى”،- دەدى ول.
“ادىرنا” ۇلتتىق پورتالى
