QR Parlamenti Májilisiniń depýtaty Bekbolat Tileýhan halyqtyń Elbasy Nursultan Nazarbaevtyń masyldyq psıhologııaǵa qatysty “Mıkrokredıt al da eki sıyr satyp al. Ózińdi asyra” degen sózin mazaqqa aınaldyrýyn “opasyzdyq” dep sanaıdy. Bul jaıynda depýtat "Qasqa Jol" atty Youtube arnasynda jýrnalıst Abaı Seıfýllaǵa bergen suhbatynda aıtty dep habarlaıdy "Adyrna" ulttyq portaly "altyn-orda.kz-ke" silteme jasap.
"Biz 2020-2021 jyldary Nazarbaevtyń baǵasyn bere almaımyz. 2040-2045 jyldary onyń qadirin biletin jaǵdaıǵa kelýimiz múmkin. Opasyzdyq istedik. Eliniń aqsaqalyn, Elbasyn sonshama dárejede masqaralap, mazaqqa ushyratý qoǵam tarapynan opasyzdyq boldy dep aıta alamyn. Shynynda da, opasyzdyq. Syna, biraq mazaqtaýǵa bolmaıdy. Mazaqtaý basqa, synaý basqa. Ol sózim úshin men jaýap berem",- dedi depýtat. Sózine dálel retinde Bekbolat Tileýhan Elbasynyń táýelsizdiktiń alǵashqy jyldaryndaǵy egemendikti saqtap qalý, shekarany bekitý jolyndaǵy iri qadamdaryn atap ótti.
"Zamanynda kóp nárseniń qadirin bile bermeımiz. Kóp adamǵa unamaıtynyn bilem. Biraq unamaıdy dep ózim ılanǵan aqıqatty jasyryp qal almaımyn. Nazarbaev – uly saıasatker. Kózim jetken soń aıtamyn. Men Nazarbaevtyń soıylyn soǵyp jatqan joqpyn, tarıhı aqıqatty aıtyp jatyrmyn", – dep pikir bildirdi ol.
"Adyrna" ulttyq portaly.
