Qazaq Creative Hub alaŋynda «Kreativtı industriialardy damytu qory» korporativtık qory jüzege asyryp jatqan Creative Aimaq respublikalyq jobasy aiasynda ūiymdastyrylǧan QOSTANAI CREATIVE CULTURE kreativtı järmeŋkesı öz märesıne jettı.
Ekı kün boiy järmeŋke Qostanai oblysynyŋ tarihi-mädeni mūrasyn, ūlttyq qolönerın, avtorlyq brendterın, zamanaui tehnologiialaryn jäne kreativtı industriialaryn bır alaŋda toǧystyrdy. Is-şaraǧa 1 320 adam kelıp, öŋır kreatorlarynyŋ avtorlyq önımderı 4 mln 414 myŋ teŋgege satyldy. Būl öŋırlık kreativtı industriialardyŋ ekonomikalyq äleuetı joǧary ekenın jäne qazaqstandyq kreativtı önımderge degen sūranystyŋ artyp kele jatqanyn körsettı.
Baǧdarlamanyŋ eŋ aituly sätterınıŋ bırı – biyl Qostanai öŋırınıŋ enşısıne būiyrǧan respublikalyq «Altyn dombyra» aitysynyŋ bas jüldesınıŋ köpşılık nazaryna ūsynyluy boldy. Keluşıler jülde iegerı Aibek Qalievpen jüzdesıp, atauly dombyralar körmesın, ūlttyq muzykalyq aspaptar toptamasyn jäne tarihi tūlǧalarǧa arnalǧan ekspozisiialardy tamaşalady.
Sonymen qatar Qostanai dizainerlerınıŋ etnostildegı sän körsetılımı, Niu-Iorktegı MobFilm Festival halyqaralyq kinofestivalınıŋ finalisı atanǧan «Qalam» mobildı filmınıŋ tanystyrylymy, Qostanai öŋırlık universitetı studentterınıŋ innovasiialyq injenerlık jobalary men Qazaqstandaǧy alǧaşqy studenttık jarys bolidu köpşılık nazaryna ūsynyldy.
Ekı kün boiy zergerlık öner, aǧaş jäne bylǧary öŋdeu, kiız basu, qyş önerı, ūlttyq oiu-örnek pen sändık-qoldanbaly öner baǧyttary boiynşa şeberlık sabaqtary ūiymdastyrylyp, keluşıler ūlttyq qolönerdıŋ qyr-syrymen tanysyp, būiymdardy jasau prosesıne tıkelei qatysty. Sondai-aq elımızdegı tūŋǧyş folklorlyq-etnografiialyq ūjymdardyŋ bırı – «Şerter» ansamblı öner körsetıp, ūlttyq muzykalyq mūrany därıptedı.
