Elordada joǵalyp ketken 23 jastaǵy jigit Qostanaıdan tabyldy. Bul týraly Polisia.kz málimdedi, dep habarlaıdy “Adyrna” ulttyq portaly.
Jas jigitti týystary bir jylǵa jýyq izdegen. 21 qańtarda kúndizgi ýaqytta jigit úıinen shyǵyp ketip, qaıtyp oralmaǵan. Polıııaǵa joǵalǵan inisi týraly onyń ápkesi habarlaǵan.
Jas jigitti izdeýge elordalyq polıııanyń jeke quramy jumyldyrylǵan. Izdestirý is-sharalary barysynda tártip saqshylary joǵalǵan azamattyń bolýy múmkin jerlerdi zerttep, ony sońǵy ret kórgen adamdarǵa suraý salǵan. Qoldanylǵan sharalar nátıjesinde elorda turǵyny Qostanaı qalasynan tabyldy. Onda ol aspazshy bolyp jumys istegeni jáne jaldamaly páterde turǵany belgili boldy.
Jas jigit qumar oıynynan aqsha utylyp, qaryz bolyp qalǵandyqtan, úıden ketip qalǵanyn túsindirdi. Jigittiń úıinen birinshi ret ketip qalmaǵany jáne oıyn oınaýǵa qumar ekendigi anyqtaldy. Qazirgi ýaqytta jigit týystarynyń janynda.
Tabylǵan jigittiń týystary Almaty aýdanynyń polıııa qyzmetkerlerine alǵys aıtty.
«Jedel ýákilder Erbolat Januzaqov pen Aıdar Qalıevke óziniń qyzmettik mindetterin adal atqarǵany úshin erekshe alǵys aıtqym keledi. Polıııa qyzmetkerleri meniń baýyrymdy izdep, taýyp berdi», – dep alǵysyn bildirdi jigittiń aǵasy.
