Elordada joǧalyp ketken 23 jastaǧy jıgıt Qostanaidan tabyldy. Būl turaly Polisia.kz mälımdedı, dep habarlaidy “Adyrna” ūlttyq portaly.
Jas jıgıttı tuystary bır jylǧa juyq ızdegen. 21 qaŋtarda kündızgı uaqytta jıgıt üiınen şyǧyp ketıp, qaityp oralmaǧan. Polisiiaǧa joǧalǧan ınısı turaly onyŋ äpkesı habarlaǧan.
Jas jıgıttı ızdeuge elordalyq polisiianyŋ jeke qūramy jūmyldyrylǧan. Izdestıru ıs-şaralary barysynda tärtıp saqşylary joǧalǧan azamattyŋ boluy mümkın jerlerdı zerttep, ony soŋǧy ret körgen adamdarǧa sūrau salǧan. Qoldanylǧan şaralar nätijesınde elorda tūrǧyny Qostanai qalasynan tabyldy. Onda ol aspazşy bolyp jūmys ıstegenı jäne jaldamaly päterde tūrǧany belgılı boldy.
Jas jıgıt qūmar oiynynan aqşa ūtylyp, qaryz bolyp qalǧandyqtan, üiden ketıp qalǧanyn tüsındırdı. Jıgıttıŋ üiınen bırınşı ret ketıp qalmaǧany jäne oiyn oinauǧa qūmar ekendıgı anyqtaldy. Qazırgı uaqytta jıgıt tuystarynyŋ janynda.
Tabylǧan jıgıttıŋ tuystary Almaty audanynyŋ polisiia qyzmetkerlerıne alǧys aitty.
«Jedel uäkılder Erbolat Janūzaqov pen Aidar Qalievke özınıŋ qyzmettık mındetterın adal atqarǧany üşın erekşe alǧys aitqym keledı. Polisiia qyzmetkerlerı menıŋ bauyrymdy ızdep, tauyp berdı», – dep alǧysyn bıldırdı jıgıttıŋ aǧasy.
Ūqsas jaŋalyqtar
