Qostanai qalasynyŋ ortalyq alaŋyna aǧartuşy, ǧalym Ybyrai Altynsarinnıŋ eskertkışı qoiyldy. Būl turaly QazAqparat-qa sılteme jasap, "Adyrna" ūlttyq portaly habarlaidy.
Y.Altynsarinnıŋ 180 jyldyǧy qarsaŋynda aşylǧan eskertkış Altynsarin-Tolstoi köşelerınıŋ qiylysynda ornalasqan. Onyŋ salynuyna Qostanaidaǧy pedagogtar men eŋbek ardagerlerı, ybyraitanuşylar mūryndyq boldy. Saltanatty şaraǧa Qostanai oblysynyŋ äkımı Arhimed Mūhambetov, pedagogikalyq eŋbek ardagerlerı, qoǧam qairatkerlerı qatysty. Öŋır basşysy atap ötkendei, eskertkıştıŋ aşyluy qazaq qoǧamynyŋ damuyna, bılım beru jüiesınıŋ qalyptasuyna baǧa jetpes üles qosqan körnektı tūlǧanyŋ mereitoiyn atap ötudegı atqarylatyn jūmystardyŋ bastamasy bolyp otyr.
«Tūŋǧyş aǧartuşy Ybyrai Altynsarin eskertkışınıŋ boi köteruı – elımızdegı tarihi oqiǧalardyŋ bırı.
Qazaqtyŋ daryndy tūlǧasy eldegı halyq aǧartu ısı tarihynda ölşeusız eŋbek sıŋırdı. HIH ǧasyrdyŋ ekınşı jartysynda qazaq dalasynda mektep jūmysyn ūiymdastyrudyŋ maǧynaly jobasyn jasap, halyq mektebınıŋ negızın qalady. Būl ūly babanyŋ elıne sıŋırgen eŋbegınıŋ bır parasy ǧana. Kelesı jyly bolatyn aituly jobalar bügıngı şaradan bastau alady. Bız tek eskertkış aşumen toqtamaimyz. Qaladaǧy Altynsarin köşesı tolyq jöndeuden ötedı. Oǧan qazynadan 900 mln teŋge bölındı. Būl jūmystar jalǧasa beredı», - dep atap öttı Arhimed Mūhambetov.
Eskertkıştı belgılı müsınşı J.Jūbanqosov pen QR Suretşıler odaǧynyŋ müşesı T. Ermekov bırlese jasaǧan. Qūrylys qoladan, tūǧyrdyŋ tübınen tömengı bölıgıne deiın granitten jasalǧan. Qola kompozisiiasynyŋ jalpy biıktıgı plinttıŋ tömengı nüktesınen – 2,6 metr.
Ūqsas jaŋalyqtar
