Qostanai oblysynyŋ Rudnyi qalasynda kämeletke tolmaǧan qyzǧa jasalǧan şabuyl jūrtty dür sılkındırdı. 2010 jyly tuǧan mektep oquşysy ış tūsynan pyşaq jaraqatyn alyp, auruhanaǧa jetkızıldı, dep habarlaidy "Adyrna" ūlttyq portaly.
Aldyn ala derekter boiynşa, jasöspırım anasy jäne ögei äkesımen bırge ışımdık ışıp ketken äjesın ızdep şyqqan. Qariiany tapqan sätte ol bötelkelesterımen bırge bolǧan. Artynşa, 51 jastaǧy äielmen janjal tuyndap, soŋy tragediiaǧa ūlasqan.
Dau syrtta jalǧasyp, äiel qyzǧa pyşaq sūǧyp alǧan. Jasöspırım auyr jaǧdaida şūǧyl türde oblystyq balalar auruhanasyna jetkızılıp, dereu ota jasaldy. Därıgerler onyŋ jaǧdaiyn tūraqty dep baǧalap, baqylauǧa alǧan.
Qostanai oblystyq PD mälımetınşe, küdıktı retınde 51 jastaǧy jergılıktı tūrǧyn ūstalǧan. Qazırgı uaqytta oqiǧaǧa qatysty tergeu amaldary jürgızılıp jatyr.
"Jedel ızdestıru ıs-şaralary barysynda zaŋsyz äreket jasady degen küdıkpen 51 jastaǧy jergılıktı tūrǧyn ūstaldy. Qajettı tergeu amaldary jürgızılıp, tiıstı saraptamalar taǧaiyndaldy. Oqiǧanyŋ barlyq män-jaiy anyqtalyp jatyr, — dedı Polisiia departamentınıŋ Aqparattyq saiasat bölımınıŋ bas mamany Bauyrjan Qasymhan.
Oqiǧaǧa qatysty QR Qylmystyq kodeksınıŋ 106-baby ("Densaulyqqa qasaqana auyr ziian keltıru") boiynşa ıs qozǧaldy.
