Jeŋıs künı qarsaŋynda Qostanai oblysynyŋ äkımı Qūmar Aqsaqalov Ekınşı düniejüzılık soǧys ardagerlerın arnaiy baryp qūttyqtady. Kezdesu barysynda öŋır basşysy maidangerlerge soǧys jyldaryndaǧy erlıgı, qaisarlyǧy men Otan aldyndaǧy janqiiar qyzmetı üşın şynaiy alǧysyn bıldırdı.
Oblys äkımınıŋ aituynşa, jeŋımpaz ūrpaqtyŋ erlıgı — otansüigıştıktıŋ, asqaq ruhtyŋ jäne elge adal qyzmet etudıŋ mäŋgılık ülgısı. Ol ardagerlerge qamqorlyq jasau men tarihi jadyny saqtau memlekettıŋ basty mındetterınıŋ bırı ekenın atap öttı.
Oblys äkımdıgınıŋ mälımetınşe, Jeŋıs künıne orai Ūly Otan soǧysyna qatysuşylarǧa 5 million teŋge kölemınde bırjolǧy äleumettık kömek berıldı. Būl şeşım ardagerler men tyl eŋbekkerlerın qoldau maqsatynda qabyldanǧan.
Bügınde Qostanai oblysynda tūratyn barlyq maidangerler 100 jastan asqan. Soǧan qaramastan, olar ömırge degen tözımdılıktıŋ, danalyqtyŋ jäne elge adaldyqtyŋ simvoly bolyp otyr.
Ardagerlerdıŋ qatarynda aqyn, ūstaz ärı jurnalist Qasymhan Aldabergenov bar. Ol öŋırdegı bılım, mädeniet jäne ruhaniiat salasynyŋ damuyna ülken üles qosty. Dıldäbek Nūryşev soǧystan keiın oblystyŋ damuyna eŋbek sıŋırıp, eŋbek äuletınıŋ negızın qalaǧan. Al būrynǧy tank komandirı Mihail Podoliakov ūzaq jyldar memlekettık qyzmette eŋbek etıp, ardagerler qozǧalysynyŋ damuyna belsendı atsalysty.
Öŋır basşysy ardagerlerge zor densaulyq, amandyq jäne ūzaq ǧūmyr tılep, maidangerlerge qūrmet körsetu men tarihi jadyny saqtau ärdaiym maŋyzdy mındet bolyp qala beretının aitty.
