17 mausymda Mäjılıs Halyqaralyq qaita qūru jäne damu bankı men Aziia infraqūrylymdyq investisiialar bankınen qaryz alu turaly kelısımderdı maqūldady, dep habarlaidy «Adyrna» tılşısı.
Biudjet şyǧystaryn qarjylandyruǧa tartylatyn qaryzdardyŋ jalpy kölemı şamamen 964 mln AQŞ dollaryn qūrap otyr.
«20 mamyrda Astanada qol qoiylǧan bırınşı kelısım Qazaqstanǧa bes jyldyq jeŋıldıktı kezeŋdı qosa alǧanda, 11 jyl merzımge 92,3 mlrd ien somasynda qaryz berudı közdeidı. Aziia infraqūrylymdyq investisiialar bankımen kelısım 15 mausymda Astanada jasalǧan, onyŋ aiasynda Qazaqstanǧa 5 jyldyq jeŋıldıktı kezeŋdı qosa alǧanda öteu merzımı 11 jyl bolatyn 62,4 mlrd ien somasynda qaryz beru qarastyrylyp otyr»,– delıngen habarlamada.
Ekı kelısım boiynşa da qarjylandyru josparly kezeŋge bekıtılgen respublikalyq biudjet tapşylyǧy şeŋberınde el ekonomikasynyŋ ornyqtylyǧyn qoldauǧa baǧyttalǧan. Qaryzdar boiynşa syiaqy mölşerlemesı TONA + auyspaly spred formulasy boiynşa aiqyndalady. Sondai-aq qaryz somasynyŋ 0,25%-y mölşerınde bırjolǧy komissiia jäne igerılmegen qarajat qaldyǧyna jylyna 0,25% mölşerınde rezervteu komissiiasy közdelgen.
2026 jylǧy 1 säuırdegı jaǧdai boiynşa Qazaqstannyŋ jalpy memlekettık boryşy 36,84 trln teŋgenı qūraǧan edı.
