16 mamyrda Memleket basshysy Qasym-Jomart Toqaev «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne qylmystyq-atqarý júıesi salalaryndaǵy zańnamany jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Bul týraly Aqorda jarııalady, dep habarlady “Adyrna” ulttyq portaly.
Zańda Qazaqstan azamattyǵyn berýden jáne qalpyna keltirýden bas tartý úshin kámeletke tolmaǵandardyń jynystyq tıispeýshiligine qarsy qylmystar jasaý, qarapaıym deńgeıde memlekettik tildi bilmeý, Qazaqstan Konstıtýııasynyń negizderinen, ǵylym jáne joǵary bilim salasyndaǵy ýákiletti organ aıqyndaıtyn deńgeıde tól tarıhymyzdan habardar bolmaý sekildi qosymsha negizder qarastyrylǵan.
Úkimet belgilegen óńirlerge qonys aýdarǵan qazaqstandyqtar egin sharýashylyǵy úshin jer telimderin ala alady. Qonys aýdarylǵandar men olardyń otbasy múshelerine qarjylaı kómek kórsetiledi: qonys aýdarýǵa sýbsıdııalar, jalǵa alý shyǵyndaryn óteý, kommýnaldyq tólemder, ekonomıkalyq utqyrlyq sertıfıkattary beriledi.
Zańnamada Qazaqstan azamattyǵyna qabyldaýdan bas tartýdyń jáne qalpyna keltirýdiń jańa negizderi engizilgen. Bul kámeletke tolmaǵandardyń jynystyq qol suǵylmaýyna qarsy qylmystar jasaý, memlekettik tildi bastaýysh deńgeıde bilmeý, Qazaqstan Konstıtýııasynyń negizderin, Qazaqstan tarıhyn ǵylym salasyndaǵy ýákiletti organ aıqyndaǵan kólemde bilmeý.
Sondaı-aq kóp mártelik ınvestor vızasy jáne suranysy joǵary mamandyq ıelerine arnalǵan vıza engizildi. Bul vızalar Qazaqstanda turaqty turýǵa ruqsat alý quqyǵyn beredi.
