Kelesi oqý jylynan bastap 5-8 jáne 10-synyp oqýshylary qazaq tilinen emtıhan tapsyrady. Bul týraly Oqý-aǵartý mınıstrligi habarlady, dep jazady "Adyrna" ulttyq portaly.
«Qazaq tili» páninen emtıhandy 5-8, 10-synyp oqýshylary tapsyrady. Mundaı ózgerister kelesi (2023-2024) oqý jylynan bastap engiziledi.
Buǵan deıin qazaq tilinen emtıhandy tek 9 jáne 11-synyp oqýshylary ǵana tapsyratyn. Olar da osy pánnen emtıhan tapsyrýdy jalǵastyrady.
Buǵan deıin bul usynys qazaq tili muǵalimderiniń sezinde jáne Oqý-aǵartý mınıstriniń qatysýymen ótken muǵalimder qaýymdastyǵy ókilderiniń kezdesýinde aıtylǵan bolatyn.
Qazaq tilinen emtıhan jazbasha jáne aýyzsha túrde ótedi. Tyńdaý, aıtý, oqý jáne jazý sııaqty daǵdylar baǵalanady. Emtıhan tapsyrmalaryn oqytýshylar akademııalyq adaldyq qaǵıdattaryn saqtaı otyryp ózderi qurastyrady.
Bul pán boıynsha qorytyndy baǵalar 5-8, 10-synyptarda emtıhan jáne jyldyq baǵalaý qorytyndylary boıynsha qoıylady.
"Adyrna" ulttyq portaly
