Tájikstan mınıstrligi Qazaqstanǵa barýdy josparlaǵan óz azamattaryna eskertý jasady, dep habarlaıdy "Adyrna" ulttyq portaly.
Tájikstannyń SIM Qazaqstannyń halyqaralyq áýejaılarynda engizilgen qaýipsizdik sharalarynyń kúsheıýine baılanysty óz azamattaryna barlyq qujattardy alyp júrýleri qajet ekenin eskertti.
"Qazaqstanǵa kelgennen keıin shekaralyq jáne kedendik baqylaýdan ótý kezinde tekserýler júrgizgen jaǵdaıda Tájikstan azamattary sapardyń maqsaty men merzimine, turǵylyqty jerine, Qazaqstanda tanystarynyń nemese týystarynyń bolýyna baılanysty suraqtarǵa jaýap berýge, qajet bolǵan jaǵdaıda olardyń turǵylyqty mekenjaıy men baılanys telefondaryn usyna otyryp, daıyn bolýy qajet", - dep málimdedi mınıstrlik.
Eger qandaı da bir qıyndyqtar týyndaǵan jaǵdaıda Tájikstan azamattary Qazaqstandaǵy Tájikstan elshiligine myna nomer boıynsha júgine alady +7 776 176 00 43.
