Jas käsıpker Äbdınūr Jambyl 17 jasynda Qaraǧandy qalasynda jeke konditerlık sehyn aşyp, köpşılıkke ülgı bolarlyq jetıstıkke qol jetkızdı. Onyŋ käsıpkerlık joly pandemiia kezınde bastalǧan, dep habarlaidy “Adyrna”.
Äbdınūr 13 jasynda YouTube platformasyndaǧy beinesabaqtar arqyly tort äzırleudı üirene bastaidy. Qyzyǧuşylyq retınde bastalǧan ıs uaqyt öte kele tabys közıne ainalyp, 15 jasynda ol öz önımderın satudy qolǧa alǧan. Alǧaşqy bento-torttaryn aǧasynyŋ gül dükenı arqyly ötkızıp, käsıpkerlıktıŋ qyr-syryn meŋgeredı.
Jas konditer biznestı damytu maqsatynda bastapqyda joǧary oqu ornyna tüsuden bas tartyp, bar küş-jıgerın öz ısıne jūmsaǧan. Keiın köşede kele jatyp kezdeisoq jalǧa berıletın ǧimaratty körıp, bolaşaq sehtyŋ ornyn tapqan.
Konditerlık sehty aşuǧa 4 million teŋgeden astam qarajat jūmsalǧan. Onyŋ jartysyn Äbdınūr özı jinasa, qalǧan bölıgı ata-anasynyŋ atyna räsımdelgen nesie arqyly alynǧan. Nesie tölemderın de jas käsıpker öz tabysynan ötegen.
Alǧaşqy kezeŋde Äbdınūr barlyq jūmysty özı atqarǧan. Ol sehty tazalap, tättı önımder daiyndap, biznestı jarnamalaumen de ainalysqan. Keiın qyzmetkerler qabyldaǧanymen, tuystary men dostarynan qūralǧan alǧaşqy komanda kütken nätijenı bermegen. Osydan keiın käsıbi mamandardy jūmysqa alyp, ūjymdaǧy tärtıp pen jauapkerşılıktı küşeitken.
Käsıp barysynda qiyndyqtar da kezdesken. Serıktesterınıŋ bırı şamamen 900 dana şokoladqa batyrylǧan qūlpynai men 50 bento-tortqa tapsyrys berıp, tölem jasamaǧan. Osy oqiǧadan keiın käsıpker barlyq tapsyrysqa aldyn ala tölem jasau tärtıbın engızgen.
Qazırgı taŋda Äbdınūr universitette ekonomist-buhgalter mamandyǧy boiynşa bılım alyp jür. Onyŋ komandasynda 9 qyzmetker jūmys ısteidı. Al konditerlık önımderınıŋ ışınde eŋ qymbat torttyŋ baǧasy 290 myŋ teŋgenı qūraidy.
Äbdınūr Jambyldyŋ oqiǧasy eŋbekqorlyq pen tabandylyqtyŋ arqasynda jas kezden-aq ülken jetıstıkterge jetuge bolatynyn körsetedı.
