Qaraǵandy oblysynda avtobýstyń qatysýymen bolǵan jol-kólik oqıǵasy saldarynan úsh adam qaza taýyp, tórteýi zardap shekti, dep habarlaıdy “Adyrna” ulttyq portaly oblystyq polıııa departamentiniń baspasóz qyzmetine siltep.
«Jol apaty saldarynan Chery Tiggo kóliginiń júrgizýshisi men onyń eki jolaýshysy alǵan jaraqattarynan oqıǵa ornynda qaza tapty, onyń taǵy úsh jolaýshysy men avtobýs júrgizýshisi medıınalyq mekemege jetkizildi. Oqıǵa kezinde avtobýsta 51 adam bolǵan», - delingen habarlamada.
17 shildede saǵat 6.00 shamasynda Almaty-Ekaterınbýrg tas jolynda Aqsý-Aıýly kentinen 5 shaqyrym jerde Krasnoıarsk-Shymkent baǵytynda Chery Tiggo jeńil kóligi men Van Hool avtobýsy soqtyǵysqan jol apaty oryn alǵan.
Atalǵan fakti boıynsha qylmystyq is qozǵaldy. Qajetti saraptamalar taǵaıyndalyp, tergeý amaldary júrgizilýde.
