Qazaqstandyq azamattar men kompaniialar 2025 jyldyŋ ekınşı jarty jyldyǧynda şetelden 12 mlrd teŋge qarajat alǧan. QR Qarjy ministrlıgınıŋ Memlekettık kırıster komitetı alǧaş ret naqty somalar men şeteldık donorlar egjei-tegjeilı körsetılgen tızımdı jariialady.
Mūndai tızımdı jariialau şeteldık qarjylandyrudyŋ aşyqtyǧyn jäne qarajattyŋ maqsatty paidalanyluyn baqylaudy közdeitın Qazaqstan Respublikasynyŋ Zaŋnamasy aiasynda mındettı sanalady.
Tızımge ÜEŪ halyqaralyq qūrylymdardan, şeteldık qorlardan, diplomatiialyq ökıldıkterden jäne şeteldık instituttardan qarajat tüsken ÜEŪ, qoǧamdyq qorlar, media qūrylymdar men qūqyq qorǧau ūiymdary kırdı.
Şeteldık qarajattyŋ edäuır kölemın qūqyq qorǧauşylar men jurnalister alǧan. Tömende aşyq közderden alynǧan mälımetterge säikes belgılı azamattar men ūiymdar körsetılgen.
Qūqyq qorǧauşylar arasynda eŋ köp qarjylandyrudy, iaǧni 350 mln teŋgenı «Adam qūqyqtary jäne zaŋdylyqty saqtau jönındegı qazaqstandyq halyqaralyq biuro» QB (E.Jovtis, İ.İmanbai jäne t.b.) alǧan.
Qarajat Djorda Soros, SIGRID RAUSING TRUST i National Endowment for Democracy jäne t.b qūrylymdardan tüsken.
MediaNet jurnalisterı (A.Djalilov) jarty jyl ışınde 300 mln teŋgedei alǧan. Būl qūrylymnyŋ negızgı demeuşılerı retınde Djordja Soros qūrylymynyŋ «Aşyq qoǧam instituty», European Endowment for Democracy, THE NIPPON FOUNDATION, n-ost - Netzwerk fur Osteuropa-Berichterstattung e jäne t. b. boldy.
Qūqyqtyq saiasatty zertteu ortalyǧy (D.Nūrymov) 284 mln teŋge somasynda qarjylandyrylǧan. Şeteldık donor retınde Europalyq komissiia, zamanaui jurnalistikany damytu ortalyǧy jäne AQŞ memlekettık departamentı qarajat bölgen.
2023 jyly Soros-Qazaqstan transformasiialanǧan qorynyŋ negızınde qūrylǧan «CAPS Unlock» QQ (Jetekşısı A.Aidarqūlova) Aşyq qoǧam qorynan Aşyq qoǧamǧa järdemdesu qory arqyly 175 mln teŋge (OSF via FPOS), Aşyq qoǧamǧa järdemdesu qory (FPOS) jäne t.b. qarjylandyrylǧan.
OF «PaperLab» (S.Beisembaev, A.Reşetniak, K.Kabatova, A.Tlegenova jäne t.b.) MKK tızılımınde Djordj Soros qūrylymynyŋ «Aşyq qoǧam instituty», National Endowment for Democracy demeuşılerınen 99 mln teŋge alǧany körsetılgen.
Taǧy bır belgılı qūqyq qorǧau ūiymy –«Ädıl sözge» (K.Djamankulova, D.Utkin, T.Kaleeva) 97 mln teŋge bölıngen. Qarjylandyru közı – Ūlybritaniia jäne Niderlandy elşılıgı.
MKK jariialaǧan tızımde «Krylia svobody» QQ (R.Reimer, E.Şvesova) qarajatty Aşyq qoǧamǧa järdemdesu qorynan (FPOS), Niderlandy elşılıgınen, Soǧysty zertteu institutynan 61 mln teŋge alǧany körsetılgen.
«Ar Ruh Hak» jetekşısı B.Töreǧojin, Foreign, Commonwealth&Development Office (FCDO) i National Endowment for Democracy-dan 44 mln teŋge alǧan.
Genderlık mäselelermen ainalysatyn «FemAgora» QQ, (Leila Zuleiha Mahmudova, Kseniia Udod, Dariia Kasmamytova) şetelden 15 mln teŋge alǧan.
Osylaişa, alynǧan aqşa somalary men qarjylandyru közderın körsetu arqyly tızımdı jariialau 2025 jyldyŋ jaŋalyǧy, būl Salyq kodeksınıŋ, sondai-aq «Kommersiialyq emes ūiymdar turaly» Qazaqstan Respublikasynyŋ Zaŋynyŋ talaptaryna säikes ıske asyryldy.
Alaida jariialanǧan tızımde alynǧan qarajatqa ıske asyrylǧan jobalar turaly, sondai-aq şeteldık qarjylandyrudyŋ tüpkılıktı benefisiarlary turaly aqparat joq.
