Qazaqstannyŋ salyq organdary şeteldık internet-kompaniialardyŋ salyq mındettemelerın tekseru barysynda bırqatar zaŋbūzuşylyqtardy anyqtady, dep habarlaidy "Adyrna" ūlttyq portaly.
Tengrinews mälımetınşe, ChatGPT äzırleuşısı OpenAI 2025 jyl boiynşa biudjetke 1,8 milliard teŋge kölemınde tölenbei qalǧan salyqty ötedı.
Būl turaly memlekettık kırıster komitetınıŋ sifrlyq aktivterdı äkımşılendıru basqarmasynyŋ basşysy Talǧat Ädılov mälımdegen. Onyŋ aituynşa, 2025 jyly salyq organdary 77 şeteldık internet-kompaniiaǧa qatysty tekseru jürgızgen. Keibır platformalar Qazaqstanda şartty tırkeuden ötpegen bolsa, endı bırınde qazaqstandyq paidalanuşylar jasaǧan tölemder men tölengen qosylǧan qūn salyǧy arasynda aiyrmaşylyq anyqtalǧan.
Habarlama alǧannan keiın şamamen segız kompaniia özderınıŋ salyqtyq mındettemelerın oryndaǧan. Solardyŋ ışındegı eŋ ırı tölemderdıŋ bırı ChatGPT äzırleuşısı OpenAI tarapynan jasalyp, kompaniia 2025 jyl üşın 1,8 milliard teŋge kölemındegı salyqty qosymşa tölegen.
Sonymeia qatar AliExpress marketpleisı de kameraldyq baqylau nätijesınde Qazaqstan biudjetıne 600 million teŋgeden astam soma audarǧan.
