Jambyl oblysyndaǵy joıqyn jarylys kezinde úıleri qıraǵan keıbir qaınarlyqtar "sheneýnikter qurylys jumystary qarqyndy júrip jatyr" dep eldi aldap otyr dep ashyndy. Bul týraly “Adyrna” ulttyq portaly 31 arnaǵa silteme jasap habarlaıdy.
1 aı buryn bolǵan joıqyn jarylys kezinde qaınarlyq Gúlaına Masalınovanyń tirnektep tirlik etip turǵyzǵan baspanalary qıraýǵa shaq qalǵan. Á degende qarqyndy bastalǵan qalypqa keltirý jumystary da toqtap tur dep ashyndy ol. Aıtýynsha, qajetti qurylys materıaldary joq eken. Al birneshe jyldan beri qaınarlyqtardy basqa jaqqa kóshirý máselesi de kóterilip kelipti.
“Byltyr da aıtyldy. Byltyr da qozǵaldy. Onyń aldynda da senderdi kóshiredi dep aıtylyp júrgen. Sonymen byltyr nesıe alyp, gaz kirgizdik. Kóshiredi dep edi, toqtap qaldy”, – deıdi Gúlaına Masalınova.
Qurylys jumystaryna kóńili tolmaıtyndardyń biri - Janar. Ol mınıstr, ákimder kelip kóretin úılerde ǵana jumys qarqyndy júrgizilip jatyr dedi.
“Endi Instagram-da jazyp jatyr. Barlyq úıdiń tóbesi jabyldy. Barlyq úıge kirip jatyr dep aıtýda. Eshqandaı úıge kirip jatqan joqpyz. Endi ǵana jasalyp jatyr. Túnde myna palatkada jatamyz. Boran, shań-topalań. Qalaǵa baryp dýshqa túsip kelemiz. Bala-shaǵamyz jan-jaqta”, – deıdi Qaınar aýylynyń turǵyny Janar Súıindikova.
Qazirdiń ózinde Qaınarda qurylys jqmystary aıaqtalýǵa jaqyn úıler bar. Sheneýnikter baspanalardy 17 qazanǵa deıin aıaqtaýǵa ýáde etipti.
Esterińizge sala keteıik, 27tamyzda Baızaq aýdanyndaǵy áskerı qoımada joıqyn jarylys bolyp 17 adam qaıtys boldy. Oqys oqıǵa kezinde iz-túzsiz joǵalyp ketken bir áskerı qyzmetkerden áli kúnge habar joq.
