Jambyl oblysyndaǧy joiqyn jarylys kezınde üilerı qiraǧan keibır qainarlyqtar "şeneunıkter qūrylys jūmystary qarqyndy jürıp jatyr" dep eldı aldap otyr dep aşyndy. Būl turaly “Adyrna” ūlttyq portaly 31 arnaǧa sılteme jasap habarlaidy.
1 ai būryn bolǧan joiqyn jarylys kezınde qainarlyq Gülaina Masalinovanyŋ tırnektep tırlık etıp tūrǧyzǧan baspanalary qirauǧa şaq qalǧan. Ä degende qarqyndy bastalǧan qalypqa keltıru jūmystary da toqtap tūr dep aşyndy ol. Aituynşa, qajettı qūrylys materialdary joq eken. Al bırneşe jyldan berı qainarlyqtardy basqa jaqqa köşıru mäselesı de köterılıp kelıptı.
“Byltyr da aityldy. Byltyr da qozǧaldy. Onyŋ aldynda da senderdı köşıredı dep aitylyp jürgen. Sonymen byltyr nesie alyp, gaz kırgızdık. Köşıredı dep edı, toqtap qaldy”, – deidı Gülaina Masalinova.
Qūrylys jūmystaryna köŋılı tolmaityndardyŋ bırı - Janar. Ol ministr, äkımder kelıp köretın üilerde ǧana jūmys qarqyndy jürgızılıp jatyr dedı.
“Endı Instagram-da jazyp jatyr. Barlyq üidıŋ töbesı jabyldy. Barlyq üige kırıp jatyr dep aituda. Eşqandai üige kırıp jatqan joqpyz. Endı ǧana jasalyp jatyr. Tünde myna palatkada jatamyz. Boran, şaŋ-topalaŋ. Qalaǧa baryp duşqa tüsıp kelemız. Bala-şaǧamyz jan-jaqta”, – deidı Qainar auylynyŋ tūrǧyny Janar Süiındıkova.
Qazırdıŋ özınde Qainarda qūrylys jqmystary aiaqtaluǧa jaqyn üiler bar. Şeneunıkter baspanalardy 17 qazanǧa deiın aiaqtauǧa uäde etıptı.
Esterıŋızge sala keteiık, 27tamyzda Baizaq audanyndaǧy äskeri qoimada joiqyn jarylys bolyp 17 adam qaitys boldy. Oqys oqiǧa kezınde ız-tüzsız joǧalyp ketken bır äskeri qyzmetkerden älı künge habar joq.
