2021 jyly 12 qazan kúni Memleket basshysy «Ulttyq rýhanı jańǵyrý» ulttyq jobasyn bekitý týraly jarlyqqa qol qoıǵan bolatyn. Joba - úsh baǵyt, jeti mindet, jıyrma bir kórsetkish pen alpys alty aýqymdy is-sharadan turady. Bul joba el rýhanııatyna oń serpin berdi. Óıtkeni, sońǵy eki jyl ishinde Túrkistan oblysynda ulttyq qundylyqtardy dáripteıtin aýqymdy jumystar atqaryldy. Mundaı ulttyq jobanyń Túrkistan oblysynda júzege asyrylý barysy men aldaǵy is-sharalar josparyn Túrkistan oblystyq rýhanı jańǵyrý jobalyq keńesiniń jetekshisi Aıdar Seıdázim «Adyrna» ulttyq portalynyń tilshisine aıtyp berdi.
«Ulttyq rýhanı jańǵyrý» ulttyq jobasy ótken jyldyń sońynda Respýblıkalyq deńgeıde tanystyrylyp, arnaıy is-shara josparlary bekitildi. Sodan kóp ýaqyt ótpeı oblysymyzdaǵy barlyq basqarmalarǵa is-shara josparlaryn ázirleý týraly usynystar joldanǵan edi. Atap aıtsaq, Adamı áleýetti damytý, mádenıet, sport jáne dene shynyqtyrý sekildi birqatar basqarmalar aldaǵy 5 jylǵa atqarylatyn isterdiń josparlaryn bekitýge kiristi. Bizdiń oblys ta barymyzdy salyp, josparlar qurdyq. Búginde olar óz nátıjesin kórsetip keledi. Árdaıym halyqtyń ıgiligine jumys isteý kerek ekenimizdi túsinemiz», - dedi Aıdar Seıdázim.
2021 jyly 11 qarasha kúni aqparat jáne qoǵamdyq damý vıe-mınıstri Tlepov Bolat Túrkistan oblysyna «Ulttyq rýhanı jańǵyrý» ulttyq jobasynyń maqsat-mindetterin aıtyp, júzege asyrylýyn tanystyrǵan edi. Oǵan Túrkistan oblysynyń zııaly qaýym ókilderi men memlekettik qyzmetkerler qatysty. Sondaı-aq, birqatar tapsyrmalar berilgen bolatyn. Bul jóninde de Túrkistan oblystyq rýhanı jańǵyrý jobalyq keńesiniń jetekshisi retinde Aıdar Seıdázim jobanyń basty maqsatyna toqtalyp, birqatar atqarylǵan sharalarǵa da atap ótti. Jobanyń úsh baǵyty boıynsha atqarylǵan jumystar da az emes eken.
«Mádenı ónimderdiń sapasyn, ár-alýandylyǵyn arttyrý arqyly halyqtyń shyǵarmashylyq áleýetin iske asyrý jobanyń basty maqsaty. Sonymen qatar, keleshek jas urpaqtyń boıyna adamı qundylyqtardy qalyptastyrýda mindetimizge kiredi. Sondyqtan Túrkistan oblysynyń halqy «Rýhanı jańǵyrý» baǵdarlamasymen etene tanys dep aıtsaq qatelespeımiz. Óıtkeni, sońǵy 5 jyl kóleminde atalǵan baǵdarlama aıasynda qanshama nysandar boı kóterip, aıtýly degen is-sharalar júzege asty. Bul týraly jergilikti telearnalar da, gazet pen jýrnaldar da, áleýmettik jeliler de ýaqytyly jarııalap otyrdy. Qazirgi tańda bizdiń ofıs qyzmetkerleri “Ulttyq rýhanı jańǵyrý” ulttyq jobasyn halyqqa nasıhattaý jumystaryn tyńǵylyqty júrgizip keledi. Sol arqyly Túrkistan oblysynyń árbir turǵyny ulttyq jobamen tanysyp, ózderi de belsendilik tanytýda», - dedi ol.
«Jastar – bolashaǵymyz!»
«Ulttyq rýhanı jańǵyrý» ulttyq jobasy jastarǵa mol múmkindikterge jol ashpaq. Máselen, jobanyń úshinshi baǵyty - «Táýelsizdik urpaqtary» jobasy arqyly NEET sanatyndaǵy jastarmen jumys júrgizilýde.
Aıta keteıik, NEET sanatyndaǵy jastar dep elimizdegi jumys isteýge, oqýǵa, eńbektenýge, izdenýge qulyqsyz, sondaı-aq, saıası jáne azamattyq belsendiligi az jastardy aıtamyz.
«Táýelsizdik urpaqtary» jobasyn júzege asyrý baǵytynda Túrkistan oblystyq qoǵamdyq damý basqarmasyna qarasty oblystyq jastar ortalyǵy tarapynan birqatar jobalar júzege asyrylyp keledi. Sonyń biri - «Táýelsizdik urpaqtary» aıasynda árbir jobaǵa úsh mıllıon teńge beriletin bolady. Bul qarjynyń, ıaǵnı grantty berýdegi basty maqsat – belsendi shyǵarmashyl jastardyń jańa jobalaryna memlekettik qoldaý. Sol arqyly jańa bastamalarǵa, jańa múmkindikterge jol ashpaq. Búl grantty utyp alý úshin jasy on tórtten kem emes jáne jıyrma toǵyzdan aspaıtyn, konkýrsqa qatysýǵa ótinim bergen Qazaqstan Respýblıkasynyń kez-kelgen azamaty úmitker bola alady. Onyń negizgi mindeti – talantty jáne talapty jastardy qoldaý, eldiń áleýmettik-ekonomıkalyq damýy úshin praktıkalyq qyzyǵýshylyq týdyratyn jastardyń ınnovaııalyq jobalary men ǵylymı-tehnıkalyq ázirlemelerin anyqtaý jáne qoldaý, jastardyń jańa jáne jumys istep turǵan startap-jobalaryn iske asyrýǵa járdem kórsetý, jastar arasynda shyǵarmashylyq qyzmetti tanymal etý», dep baǵdarlamanyń úshinshi baǵytyndaǵy jobamen tanysyryp ótti.
«Táýelsizdik urpaqtary» jobasy Qazaqstan Respýblıkasynyń azamatyna jańa ıdeıalar men bastamalardy iske asyrý úshin konkýrstyq negizde birneshe baǵytqa bólingen.
«Joba ár túrli saladaǵy jastardy qoldaıdy. Sondyqtan da konkýrs birneshe baǵytty qamtıdy. Olar jańa ǵylymı jobalardy iske asyrý jáne zertteý úshin «ǵylym» baǵyty, Qazaqstandaǵy mádenı muralardy tanytý, salt-dástúrler men ónerdi damytýǵa arnalǵan jobany iske asyrýǵa «mádenıet» baǵyty bar. Odan bólek, jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne daıyndaýǵa «aqparattyq tehnologııalar» baǵyty, jańa bıznes ıdeıalar úshin «bıznes» baǵyty bolsa, jastar úshin tanymdyq, qyzyqty ári paıdaly aqparattarmen qamtamasyz etý jáne qazaq tildi kontentter úshin «medıa» baǵyty bar. Atalǵan baǵdarlamany jastar arasynda úgin-nasıhattaý, túsindirý jumystary Túrkistan oblysynyń jastar resýrstyq ortalyqtary tarapynan júrgizilip keledi. Búgingi tańda, respýblıkalyq bıýdjetten 30 mln. teńge bólingen. Odan bólek, jergilikti bıýdjetten taǵy da qarjy qarastyryp otyr. Ol talantty jastarǵa granttar berý arqyly jobalaryn iske asyrýǵa, sol arqyly qoǵamǵa áser etýdi josparlaýda. Sondyqtan elimizdegi jastardy osy jobaǵa at salysýǵa shaqyramyn. Árbir jastyń grantty jeńip alýǵa múmkindigi bar. Óıtkeni, jastar – bizdiń bolashaǵymyz!», - dedi Aıdar Seıdázim.
«Ulttyq rýhanı jańǵyrý» ulttyq jobasynyń «El Rýhy» dep atalatyn ekinshi baǵyty bar. Bul baǵyt boıynsha elimizde 2025 jylǵa deıin mádenı nysandardaǵy ınfraqurylymdy damytý, jańa mádenı nysandaryn salý kózdelgen. Bıyl Túrkistan oblysy da bul baǵyttan tys qalmady. Oǵan dálel – shet elden Túrkistanǵa týrısterdiń aǵylýy.
«El Rýhy» jobasy boıynsha birinshi kezekte oblysymyzdyń shalǵaı aýyldaryndaǵy mádenıet úılerin salý, kúrdeli jóndeýden ótkizý, kitaphanalar qurylysyn júrgizý syndy jobalar josparlanǵan bolatyn. Byltyrǵy jyldyń ózinde «Rýhanı jańǵyrý» baǵdarlamasynyń «Týǵan jer» jobasy aıasynda oblysymyzda 4 birdeı aýyldyq mádenıet úıleri boıy kóterip, ekeýi kúrdeli jóndeýden ótti. Aldaǵy ýaqytta qalǵan jóndeý oryndaryn iske asyrý josparlanyp otyr.
Qazaqstan halqynyń zııatkerlik áleýetin damytý boıynsha 38 joba josparlandy. Aldaǵy 3 jylda barlyq oqýshylar elimizdiń mádenı murasymen tereńirek tanysyp, tarıhty sanasynda oıata alý qajet. Bul jóninde «Oqıtyn ult» jobasy iske asyp, árbir qazaqstandyqtyq oqýshylardyń belsendiligi artyp keledi. Sondaı-aq, memlekettik til márbesine de kóńil bólinýde. Qazaq tilinde bilim alý úshin búginde birshama tańdaýly kitaptar aýdaryldy», dep atqarylǵan josparmen bólise ótti.
«Qazir eń basty másele, ol - halyqtyń sanasyndaǵy ulttyq rýhty oıatý, jastardy patrıottyqqa tárbıeleý. Sondyqtan Túrkistan oblysynyń turǵyndary ǵana emes, árbir oblys turǵyndary bul baǵdarlamamen tanys bolýy qajet. Biz halyqqa bul joba aıasynda atqarylǵan is-sharalardy kórsetip, aqparattandyryp otyrýymyz da kerek.
«Oqıtyn ult» jobasy halyqtyń saýatyn arttyrýǵa arnalǵan. Mektep jasyndaǵy balalardy mádenı tárbıemen qamtý úshin olardyń kitap oqý belsendiligin arttyryp, kitaptar men qyzmetterdi qoljetimdi etýde. Sonda ǵana elimizdiń tarıhy men mádenıetin keleshek urpaq umytpaıdy, jadylarynda máńgige saqtamaq. Bárińizge belgili Túrkistan – tarıhı meken. Onda ǵalym da, aqyn-jazýshylar da shyqty. Sondyqtan bizdiń aımaq úshin «oqıtyn ult» jobasy tıimdi bolyp otyr. Otandyq qalamgerlerdi, jas aqyndarymyz ben jazýshylarymyzdy yntalandyrýǵa baǵyttalyp otyrǵan joba mádenıettń damýyna úlesin tıgizedi. Bul halyqtyń mádenıetn ǵana artryp qana qoımaı, kózin de ashpaq», - dedi Aıdar.
«Ulttyq rýhanı jańǵyrý» ulttyq jobasynda respýblıkalyq kitaphanalarda jyl saıyn zaǵıp jandar men nashar kóretin azamattarǵa jaǵdaı jasaý úshin jyl saıyn bıýdetten qarjy bóliný qarastyrǵan. Bul da úlken bastamalardyń biri. Aıdar Seıdázimniń aıtýynsha, qańtar aıyndaǵy ahýaldan keıin is-sharalar biraz keıinge shegerilipti. Alaıda, aldaǵy ýaqytta kóp jumys atqarylmaq. Oǵan jospar da daıyn tur.
«Elimizdegi qańtarda bolǵan ahýal bul isti sál tejedi desek te bolady. Ázirge bul tapsyrmanyń oryndalý barysy shynyn aıtqanda toqtap tur. Óıtkeni, mınıstrlikten bul jobany alǵa ilgeriletý týraly naqty tapsyrma áli kelgen joq. Biraq tapsyrma tússe, jobalardy iske asyrýdyń jyldyq, 5 jyldyq is-sharalarynyń jobasy ıaǵnı nobaıy daıyn tur. Biz olardy aldaǵy ýaqytta iske asyryp, halyqtyń rýhanı damýyna yqpalymyzdy tıgizemiz. Qazaqstan halqynyń rýhanı baı bolýy úshin at salysamyz», - dep sózin qoratyndylady.
Dana Nurmuhanbet
«Adyrna» ulttyq portaly
