Qazaqstan men Resei bılım beru salasyndaǧy yntymaqtastyqty keŋeitetının mälımdedı, dep habarlaidy "Adyrna" ūlttyq portaly.
Ekı el bırlesıp alty mektep salu turaly kelısımge keldı. Būl turaly Reseidıŋ syrtqy ıster ministrı Sergei Lavrov qazaqstandyq ärıptesı Ermek Köşerbaevpen kezdesuden keiın mälımdedı.
Şeteldık ministrdıŋ aituynşa, jobanyŋ aiasynda Qazaqstan aumaǧynda üş reseilık mektep, al Reseide däl sondai üş qazaq mektebı boi köteredı. Būl bastama ekı el arasyndaǧy bılım beru salasyndaǧy serıktestıktı odan ärı nyǧaituǧa baǧyttalǧan. Qazırgı taŋda Qazaqstanda reseilık joǧary oqu oryndarynyŋ segız filialy jūmys ısteidı. Al Reseide äl-Farabi atyndaǧy Qazaq ūlttyq universitetınıŋ filialy bar. Jaŋa mektepterdıŋ aşyluy osy ärıptestıktıŋ jalǧasy bolmaq.
"Joǧary jäne orta bılım beru salasyndaǧy özara tiımdı yntymaqtastyqty keŋeitudı qūptaimyn. Özderıŋız bıletındei, ötken jyly äl-Farabi atyndaǧy Qazaq ūlttyq universitetınıŋ filialy jūmysyn bastady. Alǧaşqy ırıkteu öttı. Öz kezegınde, Qazaqstanda reseilık joǧary oqu oryndarynyŋ 8 filialy jūmys ısteidı, onyŋ ışınde Mäskeu memlekettık halyqaralyq qatynastar institutynyŋ filialy da bar. Būl oqu oryndary Qazaqstan basşylyǧynyŋ keŋ qoldauyna ie. Dialogymyzdyŋ kün tärtıbınde alty bırlesken mektep, onyŋ üşeuın Resei aumaǧynda, üşeuın Qazaqstanda salu tūr", — dedı Resei syrtqy ıster ministrı.
Aita keteiık, būǧan deiın Almatyda elımızdegı alǧaşqy reseilık mekteptıŋ qūrylysy bastalǧan edı.
