Qyzylordada tosyn toi boldy. Qaraqşylyq jäne adam öltıru baby boiynşa 17 jylǧa sottalǧan er adam şaŋyraq köterdı. Qylmystyq atqaru jüiesı departamentıne qarasty №60 mekemede jazasyn ötep jatyr, ol 4 jyl boiy qalyŋdyǧymen bailanysyn üzbegen. Endı olardyŋ nekesı qiyldy, dep habarlaidy "Adyrna" ūlttyq portaly "Astana" telearnasyna sılteme körsete otyryp.
"Üilenıp, nekemdı qiyp jatyrmyn. Zaŋdy kuälıktı tabystap jatyr. 2016-dan berı, bostandyqtan tanimyn. Sosyn osy jaqqa kelıp, söilesıp, ekeuımız nekemızdı qiyp, üilenuge bel budyq, Allanyŋ qalauymen üilendık", - dedı jazasyn öteuşı."Astana" telearnasynyŋ habarlauynşa, qazır mūnda 800-den astam adam jazasyn ötep jatyr. Olardyŋ ışınde jūmys ıstep, otbasyna qarjylai qoldau körsetıp otyrǧandar da bar. Byltyr 31 azamat nekesın zaŋdastyrǧan. Mūndai bastama sottaluşylarǧa jaqsy äser etedı deidı departament bastyǧy.
Qyzylorda oblysy boiynşa qylmystyq atqaru jüiesı departamentınıŋ bastyǧy Şaimerden Esenkeldiev mälımdeme jasady. Onyŋ pıkırınşe, mūndai qadamdar qylmys älemınde "erkın jüzgenderdıŋ" ömırge degen körqarasyn özgerterpek.
"Ärı qarai baqytty bolyp, balaly-şaǧaly bolyp jatqan sottalǧan azamattarymyz da bar. Boidaq sottalǧan azamattarymyz otbasyly bolǧannan keiın, ömırge bala kelgennen keiın ömırge degen közqarasy özgeredı, balaǧa degen. Ärı qarai bostandyqqa erterek şyqsam, osy jerde tärtıp būzbasam bostandyqqa mezgılınen şartty türde bosau siiaqty äreketterge barady", - dedı departament basşysy.
"Adyrna" ūlttyq portaly
Ūqsas jaŋalyqtar
