Qyzylordada tosyn toı boldy. Qaraqshylyq jáne adam óltirý baby boıynsha 17 jylǵa sottalǵan er adam shańyraq kóterdi. Qylmystyq atqarý júıesi departamentine qarasty №60 mekemede jazasyn ótep jatyr, ol 4 jyl boıy qalyńdyǵymen baılanysyn úzbegen. Endi olardyń nekesi qıyldy, dep habarlaıdy "Adyrna" ulttyq portaly "Astana" telearnasyna silteme kórsete otyryp.
"Úılenip, nekemdi qıyp jatyrmyn. Zańdy kýálikti tabystap jatyr. 2016-dan beri, bostandyqtan tanımyn. Sosyn osy jaqqa kelip, sóılesip, ekeýimiz nekemizdi qıyp, úılenýge bel býdyq, Allanyń qalaýymen úılendik", - dedi jazasyn óteýshi.
"Astana" telearnasynyń habarlaýynsha, qazir munda 800-den astam adam jazasyn ótep jatyr. Olardyń ishinde jumys istep, otbasyna qarjylaı qoldaý kórsetip otyrǵandar da bar. Byltyr 31 azamat nekesin zańdastyrǵan. Mundaı bastama sottalýshylarǵa jaqsy áser etedi deıdi departament bastyǵy.
Qyzylorda oblysy boıynsha qylmystyq atqarý júıesi departamentiniń bastyǵy Shaımerden Esenkeldıev málimdeme jasady. Onyń pikirinshe, mundaı qadamdar qylmys áleminde "erkin júzgenderdiń" ómirge degen kórqarasyn ózgerterpek.
"Ári qaraı baqytty bolyp, balaly-shaǵaly bolyp jatqan sottalǵan azamattarymyz da bar. Boıdaq sottalǵan azamattarymyz otbasyly bolǵannan keıin, ómirge bala kelgennen keıin ómirge degen kózqarasy ózgeredi, balaǵa degen. Ári qaraı bostandyqqa erterek shyqsam, osy jerde tártip buzbasam bostandyqqa mezgilinen shartty túrde bosaý sııaqty áreketterge barady", - dedi departament basshysy.
"Adyrna" ulttyq portaly
