Beisenbıge qaraǧan tünı Resei Kievke drondar men zymyrandar arqyly aralas soqqy jasady, dep habarlaidy «Adyrna» tılşısı BBC-ge sılteme jasap.
Ukraina astanasynyŋ Darnisa audanynda köpqabatty tūrǧyn üidıŋ bır bölıgı qiraǧan. Bilık ökılder üiındı astynda adamdar qalyp qoiuy mümkın ekenın jetkızdı. Resmi derek boiynşa, soqqy saldarynan kemınde bır adam qaza tauyp, 32 adam jaralanǧan.
«Qazırgı uaqytta stasionarlarda 20 adam em qabyldap jatyr. Olardyŋ ışınde bır bala bar»,- delıngen habarlamada.
Tüngı atqylau 13 mamyrda Ukrainaǧa jasalǧan eŋ ırı dron şabuyldarynyŋ bırınen keiın bolǧan. Bır kün ışınde Resei äskerı şamamen 900 dron qoldanǧan, eldıŋ bırneşe aimaǧynda kemınde alty adam qaza tapqan.
Tünde äue küşterınıŋ Telegram-arnasynda Kiev pen Kiev oblysy, sondai-aq Cherkassy maŋy men Poltava oblysy baǧytynda köptegen zymyrandar men drondar ūşyp bara jatqany turaly habarlamalar paida boldy. Sonymen qatar Ukraina astanasyna ballistikalyq zymyrandarmen soqqy jasalǧany, qatty jarylystar estılgenı aityldy.
Keiın Kievte zymyran synyqtarynyŋ qūlaǧany, sonyŋ ışınde tūrǧyn üilerde ört şyqqany jäne qiraular bolǧany turaly aqparattar tüse bastady.
Kiev merı Vitalii Klichkonyŋ aituynşa, oqiǧa ornynda qūtqaru jäne ızdestıru jūmystary jalǧasyp jatyr.
