Qazaqstanda maimyl şeşegınıŋ el aumaǧyna äkelınu yqtimaldyǧy joqqa şyǧarylmaidy. Alaida infeksiianyŋ berılu erekşelıkterın eskere otyryp, halyq arasynda aurudyŋ keŋınen taralu qaupı tömen dep baǧalanyp otyr. Būl turaly 19 qazanda Densaulyq saqtau ministrlıgı mälımdedı, dep habarlaidy «Adyrna» tılşısı.
DSM mälımetınşe, älemdegı infeksiialyq aurulardyŋ, sonyŋ ışınde maimyl şeşegınıŋ epidemiologiialyq jaǧdaiyna tūraqty monitoring jürgızıledı.
Aurudyŋ elge äkelınuı men taraluynyŋ aldyn alu üşın sanitariialyq-profilaktikalyq jäne epidemiiaǧa qarsy ıs-şaralar keşenı qolǧa alynǧan. Atap aitqanda, memlekettık şekaradaǧy ötkızu punktterınde sanitariialyq-karantindık baqylau küşeitılgen. Sonymen qatar auru tırkelgen elderdegı epidemiologiialyq jaǧdai jäne sol memleketterden kelgen azamattar baqylauda. Ötkızu punktterı men sanitariialyq-karantindık beketter dene temperaturasyn janaspai ölşeitın qūraldarmen jabdyqtalǧan.
Būǧan deiın Sankt-Peterburgte maimyl şeşegıne küdıkpen bes adamnyŋ auruhanaǧa jatqyzylǧany habarlanǧan bolatyn. Qazırgı uaqytta nauqastar därıgerlerdıŋ baqylauynda.
Mäskeu oblysynda da päterlerdıŋ bırınen maimyl şeşegıne küdıkpen bes adam auruhanaǧa jetkızılgen. Jedel järdem şaqyruǧa maimyl şeşegın jūqtyrǧan boluy mümkın adammen bailanysta bolu sebep bolǧan.
Sondai-aq Gonkongta maimyl şeşegın jūqtyrudyŋ taǧy bır jaǧdaiy tırkelgen. Qalada auru jūqtyrǧandar sany aitarlyqtai ösken. Tamyz aiynan berı 21 jaǧdai anyqtalǧan. Būl — jyl basynan berı tırkelgen barlyq jaǧdaidyŋ 70 paiyzy.
Maimyl şeşegı — MPXV virusy qozdyratyn infeksiialyq auru. Ol negızınen jūqtyrǧan adammen tyǧyz fizikalyq bailanys kezınde, sonyŋ ışınde terıdegı börtpelermen jäne biologiialyq sūiyqtyqtarmen janasu arqyly berıledı. Sondai-aq virus lastanǧan kiım, tösek-oryn jabdyqtary men basqa da zattar arqyly, sondai-aq infeksiia jūqtyrǧan januarlarmen bailanys kezınde jūǧuy mümkın.
Densaulyq saqtau ministrlıgı tūrǧyndarǧa sebebı belgısız terı börtpelerı nemese basqa da infeksiialyq auru belgılerı bar adamdarmen tyǧyz fizikalyq bailanystan aulaq boludy ūsynady. Sondai-aq jeke bas gigienasyn saqtap, auruǧa küdık tudyratyn adamdardyŋ kiımderın, jeke zattary men tösek-oryn jabdyqtaryn ortaq paidalanbau qajet.
