«Atamura» korporaııasy Jambyl atyndaǵy qalalyq jasóspirimder kitaphanasymen birlese otyryp, 23 shilde kúni saǵat 11.00-de Japonııa jazýshysy Iosıko Koıamanyń balalar men búldirshinderge arnalǵan «Sıqyrly oryndyq» kitabyn oqyrmanyna tanystyrý is- sharasyn ótti, dep habarlaıdy "Adyrna" ulttyq portaly.
«Dozo no isu» kitaby – alǵash ret 1981 jyly basylyp shyqqan ári birden balalar ádebıeti basylymdarynyń arasynda bestsellerge aınalǵan, álemniń 50-den astam tiline aýdarylǵan basylym. «Atamura» baspasy bul kitapty japon tilinen qazaq tiline aýdaryp, «Sıqyrly oryndyq» ataýymen basyp shyǵardy. Kitapshany qazaq tiline Japonııa azamatshasy Farıda Kıshımoto hanym aýdarǵan.
Kórkem bezendirilgen kitap kishkentaı oqyrmandarǵa bir-birine kómektesken meıirimdi ári qamqor janýarlar týraly áńgimeleıdi. Ertegide qoıan oryndyq jasap, oǵan «Sıqyrly oryndyq» dep jazyp qoıady. Sharshap kele jatqan esek otyryp demalǵan soń, rızashylyǵyn bildirip, emen jańǵaǵy toly sebetin oryndyqqa qoıyp ketedi, osylaısha, basqa janýarlar arasynda ıgi ister estafetasynyń jalǵasýyna sebepker bolady.
Kitap óskeleń urpaqty bir-birine meıirimdi ári qamqor bolýǵa tárbıeleıdi, emoııalyq ıntellekt, qyzyǵýshylyq, oılaý jáne óz kózqarasyn bildirý biliktiligin arttyrady. Kitap ıdeıasy bizdiń qoǵamnyń «aýyzbirshilik» dep atalatyn dástúrli qundylyǵymen úndesedi, árdaıym bir-birine kómektesýge umtylý – kez kelgen adamnyń azamattyq boryshy.
Bul is-shara Japonııa baspasy ókilderiniń atynan Chıka Kanno hanym men uly Kotaronyń qatysýymen ótti. Mektep jasyna deıingi balalar men olardyń ata-analaryna arnap kitaptyń qazaq jáne japon tilderindegi nusqalarynan úzindiler oqylady, sondaı-aq tanystyrylymǵa qatysyp otyrǵan jas oqyrmandarymyzdyń da ertegi týraly pikirlerin tyńdap, oı bólisti
Tanystyrylym Jambyl atyndaǵy qalalyq jasóspirimder kitaphanasynyń oqý zalynda ótti.
Jýrnalıst Arman Áýbákir shara barysyn tamashalap, balalar úshin qundy kitaptyń tusaýkeserine qatysty.
