17 säuır künı Ǧabit Müsırepov atyndaǧy Qazaq memlekettık akademiialyq balalar men jasöspırımder teatry ǧimaratynda Qazaqstannyŋ halyq artisı, körnektı rejisser, professor Esmūhan Nesıpbaiūly Obaevpen qoştasu räsımı öttı, dep habarlaidy "Adyrna" ūlttyq portaly.
Qaraly jiynǧa memleket jäne qoǧam qairatkerlerı, ministr Aida Balaeva, ziialy qauym ökılderı, şäkırtterı men marqūmnyŋ jaqyndary qatysty. Jinalǧandar onyŋ qazaq sahna önerıne qosqan zor ülesı men ūlttyq ruhaniiattyŋ damuyna sıŋırgen eŋbegın erekşe atap öttı.
Esmūhan Obaev ūzaq jyldar boiy elımızdıŋ jetekşı teatrlarynda eŋbek etıp, körkemdık deŋgeiı joǧary, mazmūndy qoiylymdarymen körermen yqylasyna bölendı. Onyŋ şyǧarmaşylyq joly ūlttyq qūndylyqtar men mädeni täuelsızdık ideialarymen tyǧyz bailanysty boldy.
Almaty qalasynyŋ äkımı Darhan Satybaldy köŋıl aitu jedelhatynda marqūmnyŋ el mädenietıne sıŋırgen eŋbegın atap öttı.
«Esmūhan aǧamyzdyŋ ömırlık ūstanymy men şyǧarmaşylyq mūrasy eldık müddemen sabaqtas boldy. Onyŋ jarqyn beinesı men ǧibratty ǧūmyry el jadynda mäŋgı saqtalady», – delıngen jedelhatta.
Aita keteiık, Esmūhan Obaev qazaq teatr rejissurasyn jaŋa deŋgeige kötergen tūlǧalardyŋ bırı sanalady. Onyŋ jetekşılıgımen sahnalanǧan klassikalyq jäne zamanaui qoiylymdar ūlttyq mädeniettıŋ altyn qoryna endı. Sonymen qatar, professor retınde ol öner salasynda bırneşe buyn talantty şäkırt tärbielep şyǧardy.
