Memleket basshysy Qasym-Jomart Toqaev Úkimettiń aldyna qoıǵan tapsyrmalarynyń ishinde ákimderge de arnaıy toqtalyp, qoǵamdyq kóliktiń jumysyn turaqtandyrý isine basa mán berýdi tapsyrdy, dep jazdy «Adyrna» tilshisi.
Almaty qalasy ákimi Erbolat Dosaev Túrksib aýdany turǵyndarymen kezdesýinde halyqtyń avtobýstarǵa qatysty shaǵymyna jaýap berdi.
Mektep te, balabaqsha da ornalasqan Magnıtnaıa kóshesi boıymen bir ǵana №74 avtobýs júredi, taǵy bir baǵyt qosýǵa bola ma" – dep aýdan turǵyndarynyń biri ákimge suraq qoıdy.
"Jyljymaly quramdy jańartyp jatyrmyz. 300 avtobýs satyp alamyz. Bul ýchaskeni ınterval boıynsha ólsheımiz. Qajet bolsa, marshrýtqa avtobýstar qosamyz", - dedi Dosaev.
"74-baǵyt keste boıynsha júredi. Tasymaldaýshy - "Almatyelektrotrans", 10 jyljymaly quram qozǵalysty tolyǵymen qamtıdy. Qozǵalys aralyǵy 12-15 mınýt",-dep qosty Qalalyq mobıldilik basqarmasy basshysynyń orynbasary Ernur Ábjahan.
