TÜRKSOI halyqaralyq mädeni ūiymy Özbekstandaǧy İslam örkenietı ortalyǧy muzeiın «Türkı älemınıŋ üzdık muzeiı» dep tanydy. Būl turaly Ortalyqtyŋ baspasöz qyzmetı mälımdedı, dep habarlaidy "Adyrna".
Tiıstı sertifikatty Ortalyq basşylyǧyna TÜRKSOI-dyŋ bas hatşysy Sūltan Raev tabystady.
Onyŋ aituynşa, ūiym atynan üş sertifikat berılgen. Alǧaşqysy - Özbekstan prezidentı Şavkat Mirziioev bastamasymen jaryq körgen «Türkı älemı ädebietınıŋ ınju-marjandary» atty 100 tomdyq kıtap basylymyna tabystaldy. Mūndai auqymdy joba būǧan deiın türkı älemınde jüzege asyrylmaǧany atap ötıldı. Qazırgı uaqytta Qazaqstan, Äzerbaijan jäne Qyrǧyzstan būl bastamany qoldap, 20, 30, 40 jäne 50 tomdyq jobalardy ıske asyruda. Jinaq «Älemdegı üzdık ädebi joba» nominasiiasy boiynşa sertifikatqa ie boldy.
Ekınşı sertifikat «Türkı älemınıŋ üzdık muzeiı» nominasiiasy boiynşa İslam örkenietı ortalyǧyna tabystaldy. Sonymen qatar muzei TÜRKSOI-dyŋ Türkı älemı muzeilerı qauymdastyǧyna qabyldandy.
Saltanatty räsım Taşkent qalasynda ötken halyqaralyq forum aiasynda ūiymdastyryldy. Ūiym ökılderı būl şeşım ortalyqtyŋ qysqa merzımde atqarǧan auqymdy jūmysyna berılgen joǧary baǧa ekenın atap öttı.
Forumǧa Türkiia, Fransiia, İtaliia, Germaniia, AQŞ, Ūlybritaniia, Resei, Qytai, Ündıstan, İran jäne Qazaqstan elderınen ǧalymdar qatysty. Jiynda Temır äuletı däuırınıŋ tarihy, saiasi jüiesı, qala qūrylysy dästürlerı, sondai-aq ǧylym men mädeniettıŋ damuy talqylandy.
Özbekstandaǧy İslam örkenietı ortalyǧynyŋ direktory Firdavs Abduhalikov TÜRKSOI tarapynan berılgen būl marapatty ortalyq jūmysyna körsetılgen joǧary baǧa dep atady.
Onyŋ aituynşa, TÜRKSOI - ortalyqtyŋ senımdı ärı tūraqty serıktesterınıŋ bırı. Biyl bırlesken ıs-şaralar ötkızu jönınde kelısımder jasalǧan. Olardyŋ qatarynda halyqaralyq jastar forumy men türkı memleketterınıŋ qolönerşıler festivalı bar.
Forum qatysuşylary Temır äuletınıŋ mūrasy Europa men Aziia arasyndaǧy mädeni bailanystardyŋ damuyna zor üles qosqanyn atap ötıp, halyqaralyq ǧylymi yntymaqtastyqtyŋ maŋyzyn erekşe aitty.
İslam örkenietı ortalyǧy Özbekstan astanasynda, Hast-İmam keşenı maŋynda salynǧan. Ǧimarat ortaǧasyrlyq säulet eskertkışterı stilınde boi kötergen: biıktıgı 34 metr bolatyn tört portal jäne 65 metrlık ortalyq kümbezı bar. Ortalyqta Qūran zaly, 460 oryndyq konferens-zal jäne Özbekstan tarihyn islamǧa deiıngı kezeŋnen bügınge deiın qamtityn muzei ekspozisiiasy qarastyrylǧan.
Ortalyq ata-baba mūrasyn zertteu men ony zamanaui tūrǧyda zerdeleuge arnalǧan alaŋǧa ainaludy maqsat etedı. Būl baǧytta ol Özbekstan halyqaralyq islam akademiiasymen jäne älemdegı ǧylymi-aǧartuşylyq ortalyqtarmen bırlesıp jūmys ısteidı.
