Ózbekstanda 2024 jyly alǵash ret elektr jáne gıbrıd kólikteriniń ımporty benzınmen júretin kólikterden kóp boldy, dep habarlaıdy "Adyrna" ulttyq portaly Gazeta.uz-ǵa siltep.
Ótken jyly Ózbekstanǵa jalpy somasy 1,9 mıllıard dollardy quraıtyn 80 235 jeńil avtokólik ákelingen. Onyń ishinde benzındi kólikter sany 32 928-di qurap, ótken jylmen salystyrǵanda 36,3%-ǵa azaıǵan. Sonymen qatar gıbrıd kólikterdiń ımporty 42%-ǵa ósip, 17 480 birlikke jetken. Al elektr kólikteriniń ımporty bir jarym ese artyp, 24 095 danaǵa deıin kóbeıgen.
Nátıjesinde, gıbrıd jáne elektr kólikteri elge ımporttalǵan avtokólikterdiń 55,8%-yn quraǵan.
Elektr kólikteriniń ortasha baǵasy aıtarlyqtaı tómendep, $26 972-den $9330-ǵa deıin azaıdy.
Ózbekstanda elektr kólikterin ákelý akızder men kedendik bajdarǵa jatpaıdy. Sonymen qatar elektr nemese gıbrıd kólikterimen jumys isteıtin taksısterge 2030 jylǵa deıin lıenzııalyq alym tóleýden bosatý qarastyrylǵan. Kásipkerler úshin zarıadtaý stanııalaryn ornatýda salyqtyq jeńildikter qarastyrylǵan.
